Россияда ўзбекистонлик йигит ўғирлаб кетилди
У ўрмонга олиб кетилган ва чуқур қазишга мажбур қилинган
Россиянинг Санкт-Петербург шаҳри Красносельск туманида 25 ёшли ўзбекистонлик йигит ўғрилаб кетилди. Бу ҳақда «Фонтанка» хабар берди.
Маълум қилинишича, йигит май ойида Россияга ишлаш учун келган ва вақтинчалик рўйхатдан ўтган. Уни 31 июль куни беш киши кафенинг хизмат кўрсатиш эшигида ушлаб олган. Улар йигитнинг телефонини олиб қўйган ва уни 35 минг рубль миқдорида кредит олиш учун онлайн ариза ёзишга мажбур қилган.
Кейин йигитни «Лада Ларгус» машинасига ўтказиб, ўрмонга олиб кетишган. У ерда жабрланувчи қудуқ қазишга мажбур қилинган. Шу билан бирга, ўғрилар йигитдан 100 минг рубль талаб қилган, кейин уни яна кафега олиб келишган.
Аввалроқ Россияда ўзбекистонлик йигит қизни пичоқлаб ўлдирганди. Шунингдек, Татаристонда икки кишини ўлдирган ўзбекистонлик эркак судланиши маълум қилинган.
