Тошкент шаҳар Чилонзор тумани Сеул кўчасида жойлашган 12 қаватга мўлжалланган қурилиши тугалланмаган бинода 5 август куни соат 18:23 да ёнғин содир бўлди. Бу ҳақда пойтахт Фавқулодда вазиятлар вазирлиги хабар берди.

Маълум қилинишича, ҳодиса жойига 4 та ёнғин-қутқарув экипажи ва 2 та автонарвон воқеа жойига соат 18:28 да етиб бориб, ёнғин соат 18:44 да ўчирилган.

Дастлабки маълумотларга кўра, ёнғин натижасида бинонинг 2 қаватида 140 кв.м майдонда қурилиш махсулотлари ёниб зарарланган. Ёнғин оқибатида фуқароларни тан жароҳати олиш ва ҳалок бўлиш холатлари йўқ.

Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда. Шунингдек, ҳодиса жойига ФВБ раҳбарияти, ИИБ ва ССБ ходимлари етиб борган.

Аввалроқ Тошкент шаҳар М. Улуғбек тумани «Подишоҳбоғ» маҳалласи Буюк ипак йўли кўчасида жойлашган «Корзинка» савдо мажмуасида 4 август куни соат 16:32 да ёнғин рўй берганди.