2:49 | 06.08.22 148
Беларусда Telegram стикерлари экстремистик деб топилди
Бу мамлакатда кузатилган биринчи ҳолат ҳисобланади
Беларусь суди Telegram мессенжеридаги иккита стикер пакетини экстремистик деб тан олди. Бу ҳақда «Sputnik» хабар берди.
Тегишли маълумот республика Ахборот вазирлиги сайтидаги экстремистик материаллар рўйхатида пайдо бўлган. Рўйхатда 2022 йил 25 июлда Минск марказий округи суди «Лука» ва «Sasha 3 %» номларидаги Telegram стикерларини экстремистик материаллар деб тан олган.
Қарор дарҳол ижро этилиши керак. Қайд этилишича, бу Беларусда биринчи марта стикер пакетлари экстремистик материаллар сифатида тан олиниши ҳисобланади.
Аввалроқ беларусликларга чет элга чиқиш тақиқланиши мумкинлиги ва Эстонияда рус ва беларусларга қурол олиб юриш тақиқлангани маълум қилинган.
