Чилонзорда 99 туп дарахтнинг илдизи шикастлангани аниқланди — фото

Тошкент шаҳри Чилонзор тумани ҳудудида 99 туп дарахтнинг илдизи шикастлангани ҳақида хабар берилганди. Туман ҳокимлиги бунга қурилиш ишларини сабаб қилиб кўрсатди.

Фото: Чилонзор тумани ҳокимлиги ахборот хизмати

Ҳокимлик масъулларининг маълумотларига кўра, бугунги кунда туман ҳудудида кенг кўламли ободонлаштириш ва бунёдкорлик ишлари олиб борилмоқда. Аҳоли ҳордиқ чиқарадиган жойлар, аллеялар, сайилгоҳлар қурилиши ишлари давом этмоқда.

Фото: Чилонзор тумани ҳокимлиги ахборот хизмати

«Шу ўринда, қурилиш ишлари кетаётган айрим ҳудудларда қурилиш ташкилоти томонидан дарахтларга эътиборсизлик қилинган ҳолатлар ҳам бўлган.

Ҳозирда туманда қурилиш кетаётган ҳудудлардаги дарахтларнинг ҳолати ўрганилиб, туман экология ва атроф муҳитни ҳимоя қилиш бўлими масъуллари томонидан назоратга олинган.

Бу борада аҳолининг жамоатчилик назоратига ҳам эътибор қаратилиб, келиб тушган мурожаатлар тезда ўрганилмоқда ва зарурий чоралар кўрилмоқда», дейилади ҳокимлик хабарида.

Фото: Чилонзор тумани ҳокимлиги ахборот хизмати

«Нова24» хабарига кўра, пойтахт ҳокими Жаҳонгир Ортиқхўжаев воқеа жойига бориб, аҳоли ва мутасаддилар билан учрашган. Шундан сўнг Экология қўмитаси раиси Нарзулло Обломуродов ва шаҳар прокуратураси ходимлари дарахтлар шикастланган ҳудудга борган.

Аввалроқ Қашқадарё вилояти Қарши шаҳри Баҳодир Шерқулов кўчасида 8 та дарахт илдизигача бетонлаб кетилгани ҳақида хабар берилганди. Ўрганиш ишларидан сўнг бетонланган дарахтларнинг илдизлари очилиб, сув қуйиш ва ишлов бериш учун қулай ҳолатга келтирилган.

Россияда ўзбекистонлик наркотик сотувчиси қўлга олинди
Жаҳон0:25 | 10.8.22
Россияда ўзбекистонлик наркотик сотувчиси қўлга олинди
«Толибон» мамлакатдаги тиланчиларни камайтириш йўлини маълум қилди
Жаҳон0:24 | 10.8.22
«Толибон» мамлакатдаги тиланчиларни камайтириш йўлини маълум қилди
Самарқандда 11,5 кг олтин кукунини ноқонуний сотишга уринган шахслар ушланди
Жамият, Самарқанд0:19 | 10.8.22
Самарқандда 11,5 кг олтин кукунини ноқонуний сотишга уринган шахслар ушланди
Тайван артиллерия иштирокида ҳарбий машқлар бошлади
Жаҳон0:18 | 10.8.22
Тайван артиллерия иштирокида ҳарбий машқлар бошлади
Хитой Тайванни ўраб, қамал қилиш машқларини бошлайди
Жаҳон0:16 | 10.8.22
Хитой Тайванни ўраб, қамал қилиш машқларини бошлайди
«Толибон» АҚШга маҳбус алмашишни таклиф қилди
Жаҳон0:15 | 10.8.22
«Толибон» АҚШга маҳбус алмашишни таклиф қилди