Ўзбекистонда миллий мессенжер ва ижтимоий тармоқ яратиш бўйича танлов эълон қилинди

Инновацион ривожланиш вазирлиги томонидан ўтказиладиган «Миллий мессенжер ва ижтимоий тармоқлар бўйича стартап лойиҳалар» мавзусидаги стартап лойиҳалар танлови эълон қилинди.

Фото: «Bugun.uz»

Танловда иштирок этувчи стартап лойиҳа ташаббускорларининг аризалари 2022 йил 31 июлдан 1 октябрга қадар қабул қилинади. Лойиҳа ташаббускори — стартап лойиҳа асосчиларидан бўлиши (компания бўлган тақдирда асосий улушдорлардан бўлиши) лозим, шунингдек, ташаббускор (1 та иштирокчи) 1 та лойиҳа билан иштирок этиши мумкин. Стартап лойиҳалар асосида тайёр маҳсулот, дастурий маҳсулот, хизматлар ва технологиялар яратишнинг ҳамда вазирлик томонидан молиялаштиришнинг энг кўп муддати 1 йилдан ошмаслиги лозим.

Стартап лойиҳалар танловини ўтказиш шартлари:

  • танловда мавзуга йўналтирилган кенг кўламдаги барча йўналишдаги истиқболли стартап-лойиҳаларни ишлаб чиқиш ва амалга оширишга қаратилган аризалар қабул қилинади. Улар муаллифлик инновациялари ва технологияларига асосланиши шарт;
  • аризаларни юридик ва жисмоний шахслар тақдим этиши мумкин (аризалар жисмоний шахс томонидан тақдим этилган тақдирда – лойиҳа Инновацион ривожланиш вазирлиги Ҳайъати томонидан молиялаштиришга тавсия этилгандан сўнг юридик корхона очиш тўғрисида кафолат хати илова қилиниши шарт).

Танловга тақдим этиладиган лойиҳалар messenjer.startap@gmail.com электрон почтасига қуйидагиларни юбориш орқали қабул қилинади.

Тақдим этилган лойиҳалар танлов талабларига қатъий риоя қилингани, лойиҳа материалларининг ишончлилиги ва ҳаққонийлиги, кўчирмачиликка (плагиат) йўл қўйилмаганлиги, талаблар асосида шакллантирилгани, шунингдек, стартап лойиҳа якунида қўлга киритиладиган муҳим натижаларнинг тадқиқот дизайнига мувофиқ тўлиқ асослангани ва сўралган маблағларнинг танлов шартларида келтирилган молиялаштириш ҳажмига мувофиқ тўғри ҳисоб-китоб қилингани бўйича дастлабки техник экспертизадан ўтказилади.

Лойиҳа молиялаштиришга тавсия этилгандан кейин амалга ошириш жараёнида лойиҳанинг сотиш режаси ва молиявий натижалар тўғрисидаги прогноз ҳисоботи маълумотлари бўйича 10 фоиздан ортиқ салбий фарқ юзага келадиган бўлса, нотўғри режалаштирилган ҳамда салбий фарқлар бўйича лойиҳани амалга оширган ташкилот ва лойиҳа раҳбари бевосита жавобгар ҳисобланади (фавқулодда ҳолатлар бундан мустасно). Лойиҳа паспорти, харажатлар сметаси ва календарь режасида кўрсатилган ишлар ҳамда харажатларни амалга оширишда оғишишларга йўл қўйилмайди.

Эслатиб ўтамиз, Ўзбекистонда 2021 йил 2 июль куни айрим ижтимоий тармоқлар, жумладан, TikTok ва Twitter чекланганди. Бунга «Шахсга доир маълумотлар тўғрисида»ги қонуннинг 27-1-моддаси талабларига зид равишда Ўзбекистон фуқароларининг шахсга доир маълумотларига ишлов берилаётгани учун айрим ижтимоий тармоқлар «Шахсга доир маълумотлар субъектлари ҳуқуқларини бузувчилар реестри»га киритилгани сабаб бўлган эди. 2022 йилнинг 1 августидан бошлаб Twitter ва бошқа ижтимоий тармоқларга қўйилган чекловлар олиб ташланди.

Тошкентдаги уйларнинг ўртача нархи маълум қилинди
Янгиликлар23:53 | 2.12.22
Тошкентдаги уйларнинг ўртача нархи маълум қилинди
Европа Иттифоқи Россия нефти нарх чегарасини баррели учун 60 доллардан баҳолади
Янгиликлар22:52 | 2.12.22
Европа Иттифоқи Россия нефти нарх чегарасини баррели учун 60 доллардан баҳолади
Қашқадарёда фермер хўжалиги ерини ўзбошимчалик билан эгаллаб олганлар аниқланди
Янгиликлар22:18 | 2.12.22
Қашқадарёда фермер хўжалиги ерини ўзбошимчалик билан эгаллаб олганлар аниқланди
Бугун оқшоми. ЙТҲга учраган прокурор, ИИБ биносида вафот этгани айтилган фуқаро, зинадан йиқилиб тушган Путин
Мақолалар21:06 | 2.12.22
Бугун оқшоми. ЙТҲга учраган прокурор, ИИБ биносида вафот этгани айтилган фуқаро, зинадан йиқилиб тушган Путин
Бухородаги ИИБ биносида фуқаро вафот этгани айтилди
Янгиликлар20:37 | 2.12.22
Бухородаги ИИБ биносида фуқаро вафот этгани айтилди
Европа Иттифоқи Нукус воқеалари бўйича ўтказилаётган суд жараёни юзасидан баёнот берди
Янгиликлар20:17 | 2.12.22
Европа Иттифоқи Нукус воқеалари бўйича ўтказилаётган суд жараёни юзасидан баёнот берди