Видео: Туркманистон президенти таътилни қандай ўтказмоқда?
Сердар Бердимуҳамедовга ўғли ҳамроҳлик қилмоқда
Туркманистон президенти Сердар Бердимуҳамедов таътилни қандай ўтказаётгани намойиш қилинди. Бу ҳақда «Хроника Туркменистана» хабар берди.
Маълум қилинишича, 4 августь куни давлат раҳбари ва унинг ўғли Керимгули билан «Аваза» шаҳри ва Каспий денгизи қирғоқлари бўйлаб велосипедда саёҳат қилган.
Сўнгра улар «Аваза» спорт мажмуасига ташриф буюрган, у ерда «Давлат раҳбари тренажёрлар ва спорт турлари бўйича жисмоний машқлар билан шуғулланган», дейилади хабарда.
Эслатиб ўтамиз, Сердар Бердимуҳамедов ўғли билан Умра зиёратини амалга оширганди. Президент Умра (кичик Ҳаж) маросимини адо этиш учун Саудия Арабистонига икки кунга борган. Бу унинг Туркманистон президенти лавозимига киришганидан кейинги илк хорижий ташрифи бўлган. Уни отаси Гурбангули Бердимуҳамедов, парламент раиси, мамлакат бош вазирлари ўринбосарлари ва муфтийлар кузатиб қўйган.
Фото: Марказий Осиё президентларидан кимлар Маккага борган?
Аввалроқ Қозоғистон президенти таътилга чиққани, Нурсултон Назарбоев эса Туркиядаги таътилдан қайтгани маълум қилинган.
