Тайван артиллерия иштирокида ҳарбий машқлар бошлади
Маневрлар Хитой армияси машғулотларига жавобан амалга ошмоқда
Тайван қуролли кучлари 9 августь куни орол жанубидаги Пиндун округида Хитой армиясининг маневрларига жавобан артиллерия отишма машғулотларини бошлади. Бу ҳақда «Al Jazeera» хабар берди.
Оролнинг саккизинчи армия корпуси вакили бу маълумотни тасдиқлаган. Машғулотлар 155 миллиметрли ўзиюрар гаубиц ва 120 миллиметрли миномётлардан ўқ отишни ўз ичига олади. Уларнинг мақсади душман босқини вақтида артиллериянинг жанговар қобилиятини синаб кўришдир.
Хитой армияси 4 августь куни АҚШ Конгресси Вакиллар палатаси спикери Нэнси Пелосининг оролга ташрифидан сўнг Тайван атрофида кенг кўламли машқларни бошлаган. Сиёсатчи Хитой норозилигига қарамай баҳсли оролга ташриф буюрган. Машғулотлар давомида баллистик ракеталар учирилган, улардан бештаси Япония ҳудудига тушган. Ҳолат юзасидан Токио норозилик билдириб, машғуотларни зудлик билан тўхтатишга чақирган.
Мавзуга доир: Тайван Хитойнинг таҳдидларига жавоб қайтарди
