Хитойнинг биринчи тўлиқ автоном, ҳайдовчисиз бошқариладиган таксилари тез орада Ухан ва Чонгчингда йўловчиларга хизмат қилади. Бу ҳақда «New Atlas» хабар берди.

«Baidu» компаниясининг Apollo 5-авлод деб номланган бошқарувсиз автомобилга иккита рухсатнома берилган. Унга кўра, такси Уханда эрталаб соат 09:00 дан 17:00 гача 13 квадрат километр майдонда, Чунцин шаҳрининг Юнчуань туманида 30 квадрат километр майдонда 9:30 дан 17:30 гача ҳайдовчисиз саёҳатлар учун ҳақ олиши мумкин.

Ҳар бир зонада бешта Apollo 5 автомобиллари ишлайди, агар транспорт воситалари ҳар қандай қийин вазиятга тушиб қолса, масофавий ҳайдовчилар уларни бошқаришга киришади. Таксиларнинг дастлабки ҳаракатланиши камералар орқали диққат билан кузатилади.

Яқинда «Baidu» компанияси 6-авлод тўлиқ автоном автомобилини тақдим этган. Apollo RT6’нинг нархи 250 000 юанни (37 095 доллар) ташкил этади ва у 2023 йилдан ишлаб чиқарилади.

Аввалроқ Хитойда қуёш энергиясида ишлайдиган ҳайдовчисиз автомобиль ишлаб чиқарилани намойиш қилинганди. Шунингдек, Францияда ҳайдовчисиз автобус йўловчиларга хизмат қилишни бошлаганди.