Фарғонада буюмларни қайта ишлаш цехида ёнғин содир бўлди
Ҳодиса оқибатида 105 метр квадратдаги буюмлар ёнган
Фарғона вилоятининг Марғилон шаҳрида жойлашган цехлардан бирида ёнғин чиқди, деб хабар берди вилоят Фавқулодда вазиятлар бошқармаси матбуот хизмати.
Маълум қилинишича, 11 август куни соат 22:00да Марғилон шаҳар ФВБ навбатчилик қисмига шаҳарнинг «Наврўз» МФЙ кичик саноат зонасида жойлашган фуқаро М.М.га қарашли «Яроқсиз буюмларни қайта ишлаб, суюқ обойга хом-ашё тайёрлаш цехи»да ёнғин содир бўлгани бўйича хабар келиб тушган.
Содир бўлган ёнғин жойига қутқарувчилар соат 22:33 да етиб бориб, олов 22:38 да ўраб олган ва 23:10 да ёнғин бутунлай ўчирилдган.
Ҳодиса натижасида цехнинг 105 квадрат метр майдонида яроқсиз буюмлар ёнган. Содир бўлган ёнғин натижасида жабрланганлар ва вафот этганлар йўқ. Ҳозирда ёнғиннинг сабаби ва зарари аниқланмоқда.
Аввалроқ Тошкентда қурилиши тугалланмаган бинода ёнғин содир бўлгани хабар қилинганди. Шунингдек, пойтахтдаги «Корзинка»да ҳам ёнғин чиққанди.
