Буюк Британия пойтахти Лондон шаҳрида қурғоқчилик эълон қилиниши фонида шиша идишли сувларни харид қилишга чеклов киритилди. Бу ҳақда «Metro» хабар берди.

Маълум қилинишича, шаҳардаги айрим дўконларда бир кишига атиги 5 та алоҳида шиша идишда ва 3 та блокда сув сотилишини кўрсатадиган ёзувлар осилган. Буюк Британияда рекорд даражадаги қурғоқчилик туфайли минглаб хонадонлар ичимлик сувисиз қолган.

Мамлакатдаги энг йирик сув таъминоти компанияси «Thames Water» аҳолини июнь ойидан бери иссиқлик ва ёмғирнинг йўқлиги сабабли сув таъминотида жиддий узилишлар кузатилишидан огоҳлантирган. Шунингдек, компания британияликларга ирригация учун шланглардан фойдаланишни тақиқлашни ҳам режалаштирмоқда.

Маҳаллий оммавий ахборот воситаларининг ёзишича, Буюк Британиядаги жазирама ҳозир Кариб денгизи қисмларига қараганда кучлироқ. Шу сабабли Лондонда ваҳима пайдо бўлган, шунинг учун айрим дўконларда шиша идишли сув савдоси чекланган.

Аввалроқ Испанияда расмийлардан энергияни тежаш учун бўйинбоғ тақмаслик сўралган, Германияда аҳолига газни тежаш учун кўлларда сузиш тавсия қилинган. Германия президенти саройи электрни тежаш учун ёритгичлардан узилиши маълум қилинган. Шунингдек, Японияда энергияни тежаш режими жорий этилган. Францияда эса эшик очиқ ҳолда кондиционер ёққанларга жарима белгиланганди.