БМТ бош котиби ва Эрдўғон Украинага боради
Ташриф сабаби маълум қилинди
Бирлашган Миллатлар Ташкилоти (БМТ) бош котиби Антониу Гутерриш ва Туркия президенти Ражаб Тоййиб Эрдўғон Украинага ташриф буюради. Бу ҳақда «Reuters» хабар берди.
Гутерриш 18 август куни Украина президенти Владимир Зеленский ва Туркия президенти билан Львовда учрашади, сўнгра 19 август, жума куни Одесса портига ташриф буюради. БМТ Бош котибининг Украинага ташрифи «дон келишуви», Запорожье атом электр станциясининг ўққа тутилиши, Еленовка тергов изоляторида асирга олинган украиналик аскарларнинг ўлдирилиши масаласини кўтаришдан иборат.
Шундан кейин Гутерриш координация марказининг қандай ишлаётганини кўриш учун Туркияга ташриф буюради.
Маълумот ўрнида, Эрдўғоннинг Украинага ташрифи ҳозирча Истанбулда маълум қилинмаган.
Аввалроқ БМТ Бош котиби тинчлик рамзи деб билган мамлакат номини айтганди. Шунингдек, БМТ бош котиби Украинага келганда ракеталар учирилганди.
