Британияда аҳолига камроқ гўшт ейиш маслаҳат берилди

Буюк Британияда аҳолига глобал исишнинг олдини олиш учун гўшт ва сут маҳсулотларини камроқ истеъмол қилиш тавсия қилинди. Бу ҳақда «The Guardian» хабар берди.

Фото: «Health Diggest»

Мутахассисларнинг фикрича, бу ердан барқарор фойдаланиш ва экологик инқироздан қочишнинг ягона йўли ҳисобланади. Атроф-муҳит, озиқ-овқат ва қишлоқ масалалари департаменти аъзоси, тадбиркор Генри Димблбининг айтишича, бундай маслаҳат фуқаролар учун «заҳарли» бўлиб туюлиши мумкин, аммо бу яхшироқ иқлимга эришишнинг ягона йўли саналади.

«Ердан экин етиштириш ва бу экинларни кавш қайтарувчи ҳайвонларга боқиш учун фойдаланиш ниҳоятда самарасиз. Чўчқалар, товуқлар, сигирлар бизга фақат маълум миқдорда протеин бериши мумкин. Уларни боқиш учун номутаносиб равишда кўпроқ ресурслар ишлатилади», — деган у.

Ҳозирги вақтда Англия қишлоқ хўжалиги ерларининг 85 фоизи чорва ҳайвонлари учун яйлов сифатида фойдаланилади. Мутахассисларга кўра, ердан барқарор фойдаланиш ва иқлим ўзгаришига қарши кураш 10 йил ичида гўшт истеъмолини 30 фоизга камайтиришни талаб қилади.

«Бизда илғор ғояларимизни бутун дунё бўйлаб намойиш этиш ва барқарор иқтисодиётни бошқаришимиз, шу билан бирга, одамларни озиқлантиришимиз мумкинлигини кўрсатиш учун ажойиб имконият бор», — дейди Димблб.

Эслатиб ўтамиз, аввалроқ Британияда суғориш учун шланглардан фойдаланиш, дўконларда сув сотиб олишга чеклов қўйилганди. Испанияда расмийлардан энергияни тежаш учун бўйинбоғ тақмаслик сўралган, Германияда аҳолига газни тежаш учун кўлларда сузиш тавсия қилинган.

Германия президенти саройи электрни тежаш учун ёритгичлардан узилиши маълум қилинган. Шунингдек, Японияда энергияни тежаш режими жорий этилган. Францияда эса эшик очиқ ҳолда кондиционер ёққанларга жарима белгиланганди.

Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Жаҳон23:34 | 24.9.22
Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Жаҳон22:25 | 24.9.22
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Жамият, Жаҳон21:00 | 24.9.22
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Бухорода олти тонна пахтани яширин равишда олиб кетаётган шахслар ушланди
Жамият20:35 | 24.9.22
Бухорода олти тонна пахтани яширин равишда олиб кетаётган шахслар ушланди
Путин сафарбарлик юзасидан янги қонун имзолади
Жаҳон20:14 | 24.9.22
Путин сафарбарлик юзасидан янги қонун имзолади
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди
Жаҳон19:42 | 24.9.22
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди