Ўзбекистонда 7 ойда қанча енгил автомобиль ишлаб чиқарилгани маълум қилинди
Ишлаб чиқариш 2021 йилнинг мос даврига нисбатан 45 161 тага ошган
2022 йилнинг январь—июль ойларида Ўзбекистонда 170 075 та енгил автомобиллар ишлаб чиқарилган. Бу ҳақда Давлат статистика қўмитаси хабар берди.
Ўтган етти ой ичида мамлакатда энг кўп «Cobalt» автомобили ишлаб чиқарилган — 52 903 дона. Ўтган йилнинг мос даври билан солиштирганда Ўзбекистонда 45 161 донага кўп енгил автомобиль ишлаб чиқарилган.
2022 йилнинг январь-июль ойларида ишлаб чиқарилган енгил автомобиллар сони:
- «Cobalt» — 52 903 дона;
- «Lacetti-Gentra» — 47 600 дона;
- «Damas» — 39 779 дона;
- «Nexia T-250» — 14 237 дона;
- «Spark» — 7 548 дона;
- Махсус енгил автомобиллар — 11 008 дона.
Эслатиб ўтамиз, «UzAuto Motors» компанияси 2022 йилда ишлаб чиқариш ҳажмини камайтириши мумкинлиги маълум қилинганди. Компания матбуот котиби Сардор Исҳоқовнинг «Bugun.uz»га маълум қилишича, 2021 йилда яримўтказгичлар бозорида кузатилган глобал тақчиллик автомобиль ишлаб чиқаришга таъсир ўтказган.
