Мактабгача таълим вазири журналистга интервью бермади — видео

Мактабгача таълим вазири Агриппина Шин 19 август куни ШҲТ хотин-қизлар форуми доирасидаги тадбирда журналистга интервью беришдан қочгани ҳақида хабар берилди. Вазирлик ахборот хизмати ҳолатга муносабат билдирди.

Фото: «Bugun.uz»

Қайд этилишича, ШҲТ хотин-қизлар форуми доирасида тадбиркор аёллар биринчи конференциясида мактабгача таълим вазирининг халқаро ташкилотлар олдидаги маърузаси олдидан журналист томонидан тиғиз вақтда саволга тутилган.

«Видеога эътибор берилса, журналист томонидан савол берилаётган жараёнда вазир ёрдамчиси »у ҳозир тайёргарлик кўряпти« деган жавоб берган ҳамда форум доирасидаги нутқдан сўнг барча саволларга жавоб берилиши ҳақида ҳам журналистга (афсуски, видеодаги бу жойлари негадир қўйилмаган) тушунтирилган.

Ижтимоий тармоқларда эълон қилинган видеодан сўнг жараённи нотўғри тушунган ҳолатда ижтимоий тармоқ кузатувчилари ва блогерлар томонидан мактабгача таълим вазирига нисбатан турли хилдаги салбий фикрлар талқин қилинмоқда.

Энг ачинарлиси ушбу видеоматериал ижтимоий тармоқ кузатувчилари ва блогерларда мактабгача таълим вазири, ҳукумат аъзоси, Ўзбекистон Республикаси фуқаросига нисбатан миллати, тили ва дини ҳақидаги турли хилдаги салбий фикрларни уйғотган. Ваҳоланки юртимизда 130дан ортиқ миллат ва элат вакиллари тинч-тотув яшаб келишмоқда», дейилади муносабатда.

Шунингдек, вазирлик ахборот хизмати Конституциянинг тегишли моддасини эслатиб, барча фуқаролар бир хил ҳуқуқ ва эркинликларга эга эканини таъкидлаган.

«Шу қаторда эслатиб ўтамиз, Ўзбекистон Республикаси Конституциясининг 18-моддасида қуйидагилар баён этилган: ‘Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенгдирлар’.

Журналистик этикага риоя қилиниб ҳаракат қилинганда эди ижтимоий тармоқларда бир шахснинг миллати, тили, дини ҳақидаги нотўғри талқин қилинаётган видеоматериал тарқалмаган ва кенг омманинг ноҳақ эътирозларига сабаб бўлмас эди.

Албатта, барчамизнинг ҳуқуқ ва бурчларимиз Конституция моддаларида мустаҳкамлаб қўйилганлигини унутмаслигимиз лозим. Барча ОАВ вакилларига маълумки Мактабгача таълим вазирлиги ҳар доим ОАВга нисбатан очиқ ва шаффофдир», дейилади хабарда.

Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Жаҳон23:34 | 24.9.22
Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Жаҳон22:25 | 24.9.22
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Жамият, Жаҳон21:00 | 24.9.22
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Бухорода олти тонна пахтани яширин равишда олиб кетаётган шахслар ушланди
Жамият20:35 | 24.9.22
Бухорода олти тонна пахтани яширин равишда олиб кетаётган шахслар ушланди
Путин сафарбарлик юзасидан янги қонун имзолади
Жаҳон20:14 | 24.9.22
Путин сафарбарлик юзасидан янги қонун имзолади
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди
Жаҳон19:42 | 24.9.22
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди