АҚШ Конгресси делегацияси Ўзбекистонга келди

АҚШ Конгресси делегацияси Ўзбекистон—Америка ҳамкорлигининг бугунги ҳолати ва истиқболларини, жумладан, парламентлараро ҳамкорликни кенгайтириш масалаларини муҳокама қилиш учун Ўзбекистонга келди. Бу ҳақда «Dunyo» агентлиги хабар берди.

Фото: АҚШнинг Ўзбекистондаги элчихонаси матбуот хизмати

Ўзбекистоннинг Вашингтондаги элчихонасини маълум қилишича, делегация таркиби АҚШ Конгрессидаги «Ўзбекистон бўйича кокус»нинг ҳамраиси, Миссисипи штатидан республикачи конгрессмен Трент Келли ва Вакиллар палатасининг Йўллар ва воситалар бўйича қўмитаси аъзоси, Иллинойс штатидан республикачи конгрессмен Дерин Лахуд ҳамда уларнинг ходимларидан иборат.

Америкалик қонунчилар Ўзбекистонда бўлган вақтларида Олий Мажлис Сенати ва Қонунчилик палатаси раҳбарияти билан, шунингдек, республика вазирлик ва идораларида икки томонлама учрашувлар ўтказади. Ташриф давомида делегация мамлакатнинг тарихий ва маданий мероси билан ҳам танишади.

Маълумот учун, ушбу ташриф АҚШ Конгресси аъзоларининг Ўзбекистонга 2017 йилдан буён еттинчи сафари бўлади. Ўтган йили икки партиядан бир гуруҳ америкалик қонунчилар мамлакатга икки маротаба ташриф буюрган ва улардан бирига Вакиллар палатасининг ташқи ишлар бўйича қўмитаси раиси, демократ конгрессмен Грегори Микс раҳбарлик қилган эди.

Аввалроқ АҚШ давлат котиби ўринбосари Венди Шерман Ўзбекистонга келиши, АҚШ Қуролли кучлари қўмондони Ўзбекистон мудофаа вазири билан учрашгани хабар берилганди. Шунингдек, АҚШ давлат департаменти Ўзбекистонга оид инсон ҳуқуқлари бўйича 2021 йил билан боғлиқ ҳисоботини эълон қилганди.

Тошкентда чақирув бўйича борган профилактика инспектори ўлдирилди
Янгиликлар11:04 | 30.11.22
Тошкентда чақирув бўйича борган профилактика инспектори ўлдирилди
Самарқандда Америкага Мексика орқали юборишни ваъда қилган йигит ушланди
Янгиликлар10:49 | 30.11.22
Самарқандда Америкага Мексика орқали юборишни ваъда қилган йигит ушланди
Камолиддин Раббимов Россия, Қозоғистон ва Ўзбекистон иттифоқини тузиш ҳақидаги гапларга муносабат билдирди
Янгиликлар10:32 | 30.11.22
Камолиддин Раббимов Россия, Қозоғистон ва Ўзбекистон иттифоқини тузиш ҳақидаги гапларга муносабат билдирди
Ўзбекистонда коронавирус билан кунлик касалланиш ҳолати 140 кишидан ошди
Янгиликлар9:55 | 30.11.22
Ўзбекистонда коронавирус билан кунлик касалланиш ҳолати 140 кишидан ошди
Зеленский Украинани қайта тиклашга қанча маблағ кераклигини маълум қилди
Янгиликлар9:40 | 30.11.22
Зеленский Украинани қайта тиклашга қанча маблағ кераклигини маълум қилди
Фарғонада чет элдан 32 бош олмахонни ноқонуний олиб киришга бўлган уринишнинг олди олинди
Янгиликлар9:19 | 30.11.22
Фарғонада чет элдан 32 бош олмахонни ноқонуний олиб киришга бўлган уринишнинг олди олинди