«Реставраторлар мактабини тиклаш керак». Зафар Ҳакимов маданий мерос объектларидаги муаммолар ҳақида гапирди

«Мозийдан садо» журнали бош муҳаррири Зафар Ҳакимов «Bugun.uz»га берган интервьюсида Ўзбекистонда маданий меросни асраш ва тиклаш, музейларнинг ҳозирги ҳолати ҳақида гапирди.

Фото: «Bugun.uz»

Унинг сўзларига кўра, охирги вақтларда қатор қонунлар қабул қилинган бўлсада, бугунги кунда Маданий мерос кодекси ишлаб чиқиляпти. Ушбу кодекс барча илгари чиққан қонунларнинг бандлари, талаблари, фармон ва қарорларни қонуности мажмуасидир.

«Миллий маданиятмизни янада ривожлантириш концепцияси тўғрисидаги Президент қарорида жамоатчиликни жалб қилиш белгиланган. Чунки бу Конституциявий норма. Ҳар бир фуқаро маданий меросни асраш ва муҳофаза қилишга мажбурдир. Шу нуқтаи назардан фикрим шундайки, қарорда белгиланган ҳар бир кўзга кўринган мажмуа — бу археология ёдгорлиги бўладими ёки меморий обида бўладими жамоатчилик инспекторини тайинлаш. Бу қанчалик бажарилаётганидан хабарим йўқ, лекин илмий экспертлар кенгашига қайта қуриш ва таъмирлаш бўйича келаётган таклифлар кўпинча ҳудуддаги тарихий-маданий ҳолат эътиборга олинмаяпти», — дейди у.

Ҳакимов Ўзбекистонда ўлкашунослик ҳаракатини қайта ташкил этиш таклифини билдирган.

«Бизда обидалар гўёки комплекс тикаланади. Масалан, Бибихоним масжиди. У замонавий қурилиш воситалари билан тикланди. Ҳозир UNESCO’нинг ўзига хос саволлари бор. Ёки Шаҳрисабз — бутун шаҳар тарихий ландшафти ўзгартирилди. Унга ҳам UNESCO’нинг эътирози бўлди, лекин раҳбарларимиз уни регинирация қиламиз деб ваъда беришди. Ҳозирча Шаҳрисабзни UNESCO рўйхатидан чиқариш масаласи қолдирилди.

Муаммолар кўп, булар реставраторлар мактаби билан боғлиқ. Илгари бизда Реставрация институти бўларди. Катта, илмий-ижодий институт эди, у ерда яхши меъмор ва халқ усталари жамоаси шаклланганди. Улар тиклаш лойиҳаларини ишлаб чиқарар эди, ҳозир бу институт деярли йўқ бўлди», — дея таъкидлайди Зафар Ҳакимов.

Унинг сўзларига кўра, реставраторлар мактабини икки йўналишда тиклаш керак — биринчиси, музей йўналишида, иккинчиси эса археология ва меъморий обидаларни реставрация қилиш бўйича.

Аввалроқ Ўзбекистонда маданий мерос объектлари рақамли платформаси яратилиши, маданий мерос объектларини реставрация қилиш бўйича биринчи лаборатория ташкил этилгани ҳамда 2 та ОТМда Маданий мерос объектларини асраш факультети очилиши ҳақида хабар берилган эди. Шунингдек, Танзила Норбоева айрим маданий мерос объектларининг номи бор-у, ўзи йўқ экани ҳақида гапирган.

Президент тадбиркорлик субъектларининг экспорт салоҳиятини янада кенгайтиришга доир фармонни имзолади
Жамият19:07 | 1.10.22
Президент тадбиркорлик субъектларининг экспорт салоҳиятини янада кенгайтиришга доир фармонни имзолади
Ўзбекистонда энг арзон палов қаерда сотилаётгани маълум бўлди
Жамият18:32 | 1.10.22
Ўзбекистонда энг арзон палов қаерда сотилаётгани маълум бўлди
Ўзбекистонда кейинги ҳафта қандай об-ҳаво кузатилиши маълум бўлди
Жамият17:45 | 1.10.22
Ўзбекистонда кейинги ҳафта қандай об-ҳаво кузатилиши маълум бўлди
Азиз Абдуҳакимов Tourism EXPO Japan 2022 вазирлар анжумани иштирокчиларини Самарқандга таклиф этди
Жамият17:14 | 1.10.22
Азиз Абдуҳакимов Tourism EXPO Japan 2022 вазирлар анжумани иштирокчиларини Самарқандга таклиф этди
Тошкентда номаълум шахслар мушукнинг юнгини олиб, мўйловларини қирқиб ташлади
Жамият16:28 | 1.10.22
Тошкентда номаълум шахслар мушукнинг юнгини олиб, мўйловларини қирқиб ташлади
Ўзбекистон ТИВ Кобулдаги портлаш юзасидан баёнот берди
Жамият15:34 | 1.10.22
Ўзбекистон ТИВ Кобулдаги портлаш юзасидан баёнот берди