Россия ШҲТ давлатларини АҚШ билан қўшма машғулот ўтказишдан огоҳлантирди
Хавфсизлик кенгаши котиби бу ҳақда гапирди
Шанхай Ҳамкорлик Ташкилотига (ШҲТ) аъзо қатор давлатларни ўз ичига олган Марказий Осиёдаги АҚШ ҳарбий машғулотлари америкаликларга ҳарбий ҳаракатларнинг потенциал театрини ўрганиш, нишонлар ва хариталарни аниқлаштириш учун зарур. Бу ҳақда Россия Хавфсизлик кенгаши котиби Николай Патрушевга таяниб, «ТАCC» хабар берди.
Сиёсатчи 10 август куни АҚШ қўмондонлигида Қозоғистон, Қирғизистон, Ўзбекистон, Мўғулистон ва Покистон ҳарбий хизматчилари иштирокида Тожикистонда бошланган «Минтақавий ҳамкорлик-2022» машғулотлари ҳақида шундай муносабат билдирган.
«Ҳамкорларимизга шуни эслатиб ўтмоқчиманки, америкаликларга бундай тадбирлар, биринчи навбатда, потенциал амалиёт театрини ўрганиш, истиқболли нишонлар координаталарини аниқлаштириш ва юқори аниқликдаги қуроллар учун рақамли хариталарни мослаштириш учун керак. Ишончим комилки, ШҲТнинг барча аъзо давлатлари Американинг бу ташаббуслари бизнинг хавфсизлигимиз учун қандай ўта катта хавф туғдираётганидан хабардор, — деган у.
Россия Хавфсизлик Кенгаши котиби АҚШ Афғонистоннинг қўшнилари билан бу ерда аксилтеррор амалиётлари учун вақтинчалик база яратмоқчилиги ва Москва «Минтақавий ҳамкорлик-2022» машқларига айнан шундай назарда қараши қайд этилган.
Эслатиб ўтамиз, Аввадроқ Патрушев Қорақалпоғистондаги воқеа ғарбликларнинг рангли инқилоби натижаси эканини айтганди.
