Трамп суддан уйида топилган махфий ҳужжатларни текширмасликни сўради

АҚШнинг собиқ президенти Дональд Трамп АҚШ ҳукуматига қарши судга мурожаат қилиб, уйида топилган махфий ҳужжатларни экспертизадан ўтказмасликни сўради. Бу ҳақда «The Guardian» хабар берди.

Фото: «Reuters»

Сиёсатчи махсус суд-тиббиёт эксперти тайинланмагунча бу жараённи тўхтатишни сўраган. Унинг Флоридадаги уйида икки ҳафта аввал тинтув ўтказилганида «махфий ҳужжатлар» топилган. Флорида штатидаги федерал судга берилган Трампнинг илтимосномасида, 8 август куни тинтув пайтида Мар-а-Лагодаги уйида ФҚБ (федерал қидирув бюроси) томонидан аниқланган нарсалар рўйхатини батафсилроқ кўрсатиш ва терговчилардан тинтувга рухсат берилмаган нарсаларни қайтариш сўралган.

«Сиёсатнинг одил судловга таъсир ўтказишига йўл қўймаслик керак. Ҳуқуқ-тартибот органлари америкаликларни ҳимоя қилувчи қалқондир. Улардан сиёсий мақсадларда қурол сифатида фойдаланмаслик керак», дейилади даъво аризасида.

Трамп ва унинг иттифоқчилари тинтув сиёсий сабабга эгалиги ҳақида шикоят қилганидан сўнг, АҚШ бош прокурори Меррик Гарленд суддан тинтув қарорининг таҳрирланган нусхаси ва мусодара қилинган ашёлар кўрсатилган мулк рўйхатини чиқаришни сўраган.

АҚШ ҳукумати Мар-а-Лагода 300 дан ортиқ махфий ҳужжатларни, жумладан Марказий разведка бошқармаси, Миллий хавфсизлик агентлиги ва Федерал қидирув бюроси материалларини топган.

Қидирув Трамп 2021 йил январида президентлик сайловларида мағлубиятга учраганидан сўнг ўз лавозимини тарк этганида ҳужжатларни ноқонуний равишда ўчириб ташлаганми ёки йўқми деган федерал терговнинг бир қисмидир.

Тинтув чоғида Трампнинг уйидан 11 та тўпламда махфий материал аниқланган, улардан баъзилари «ўта махфий» деб белгиланган, бу энг юқори даражадаги махфийлик бўлиб, бундай ҳужжатлар фақат махсус давлат муассасаларида сақланиши мумкин. Оқ уй Трампнинг уйида олиб борилган тинтувга муносабат билдирган.

Тошкентда чақирув бўйича борган профилактика инспектори ўлдирилди
Янгиликлар11:04 | 30.11.22
Тошкентда чақирув бўйича борган профилактика инспектори ўлдирилди
Самарқандда Америкага Мексика орқали юборишни ваъда қилган йигит ушланди
Янгиликлар10:49 | 30.11.22
Самарқандда Америкага Мексика орқали юборишни ваъда қилган йигит ушланди
Камолиддин Раббимов Россия, Қозоғистон ва Ўзбекистон иттифоқини тузиш ҳақидаги гапларга муносабат билдирди
Янгиликлар10:32 | 30.11.22
Камолиддин Раббимов Россия, Қозоғистон ва Ўзбекистон иттифоқини тузиш ҳақидаги гапларга муносабат билдирди
Ўзбекистонда коронавирус билан кунлик касалланиш ҳолати 140 кишидан ошди
Янгиликлар9:55 | 30.11.22
Ўзбекистонда коронавирус билан кунлик касалланиш ҳолати 140 кишидан ошди
Зеленский Украинани қайта тиклашга қанча маблағ кераклигини маълум қилди
Янгиликлар9:40 | 30.11.22
Зеленский Украинани қайта тиклашга қанча маблағ кераклигини маълум қилди
Фарғонада чет элдан 32 бош олмахонни ноқонуний олиб киришга бўлган уринишнинг олди олинди
Янгиликлар9:19 | 30.11.22
Фарғонада чет элдан 32 бош олмахонни ноқонуний олиб киришга бўлган уринишнинг олди олинди