«Буюк Ипак йўли» халқаро туризм маркази очилишида Сами Юсуф чиқиш қилди

Самарқандда 23 август куни «Буюк ипак йўли» халқаро сайёҳлик марказининг очилишида машҳур хонанда ва бастакор Сами Юсуф чиқиш қилди.

Маросимда Ўзбекистон Президенти Шавкат Мирзиёев иштирок этган. Марказдан ўрин олган «Боқий шаҳар» мажмуаси очилган. Махсус меҳмон британиялик хонанда Сами Юсуф ҳам ташриф буюрган. Сентябрь ойида мазкур марказда ШҲТ саммити бўлиб ўтади.

«Халқимизнинг ақл-заковати ва фидокорона меҳнати билан бунёд этилган ушбу мажмуа Янги Ўзбекистонни барпо этиш йўлидаги яна бир салмоқли, зафарли натижа бўлди. Қадимий ва навқирон Самарқанд бағрида қад ростлаган мана шундай замонавий, улуғвор меъморий мажмуа барчамизга, бутун халқимизга муборак бўлсин, буюрсин», — деган Шавкат Мирзиёев.

2019 йилда Президент ташаббуси билан Самарқанд туманидаги эшкак эшиш канали бўйида, 212 гектар майдонда улкан мажмуа қуришга киришилган.

«Тажрибали меъмор ва муҳандислардан иборат халқаро жамоа жалб этилиб, пухта лойиҳа ишлаб чиқилди. Давлатимиз раҳбари бу ерга бир неча марта келиб, қурилишни миллий меъморчилик анъаналаримиз ва одамларга қулайлик жиҳатидан такомиллаштирди.

Бунёдкорлик ишларида малакали қурувчиларимиз билан бирга Туркия, Буюк Британия, Италия каби давлатларнинг етук мутахассислари иштирок этди», дейди Президенти матбуот хизмати.

«Боқий шаҳар» мажмуасидан ташқари марказ таркибида 8 та замонавий меҳмонхона, Конгресс холл, амфитеатр ва кўплаб бошқа иншоотлар бор. У йилига 2 миллион туристга хизмат кўрсатиши мумкин.

Марказ мақсадларидан бири халқаро тадбирларга мезбонлик қилишдир. Жумладан, 15-16 сентябр кунлари марказда Шанхай ҳамкорлик ташкилоти саммити бўлади. Кейин Туркий давлатлар ташкилотига аъзо давлатлар раҳбарларининг учрашуви бўлиб ўтади. 2023 йилда Европа тикланиш ва тараққиёт банки Бошқарувчилар кенгашининг йиллик йиғилиши ва Жаҳон сайёҳлик ташкилоти Бош ассамблеяси бўлиб ўтади.

«Бу улкан марказ буюк аждодларимиз бунёд этган муҳташам меъморий обидаларга муносиб бўлиб, уларнинг тарихий анъаналарини давом эттиради. Ушбу мажмуа мамлакатимизда ҳозирги пайтда пойдевори қурилиши бошланган Учинчи Ренессанс ва олдинги тарихий даврлар ўртасидаги рамзий кўприк бўлади, деб ишонаман», — дейди Президент.

Мажмуада эски бозор, Ўзбекистоннинг барча ҳудудлари анъаналарига мос 40 та ҳунармандчилик устахонаси мавжуд. Уларда ҳунармандлар ёғоч ўймакорлиги, кулолчилик, шойи қоғоз, заргарлик ва гиламдўзлик бўйича маҳорат дарслари ўтказади.

Президентнинг таъкидлашича, янги туризм маркази келгуси йилларда Самарқандга келадиган хорижий сайёҳлар сонини 1,5 миллиондан оширишда муҳим ўрин тутади. Умуман олганда, келгуси беш йил ичида Ўзбекистонга келаётган сайёҳлар сонини ҳозирги 2 миллиондан 9 миллионга ошириш мақсад қилинган.

Очилиш маросими доирасида тадбирнинг махсус меҳмони – британиялик хонанда ва бастакор, ислом диний қўшиқларининг машҳур ижрочиси Сами Юсуф иштирокида «Боқий шаҳар достони» мусиқий дастури тақдим этилган.

Зилзилалар оқшоми. Туркия ва Суриядаги кучли ер силкинишлар
Янгиликлар21:02 | 6.2.23
Зилзилалар оқшоми. Туркия ва Суриядаги кучли ер силкинишлар
Ўзбекистонда кучли зилзилалар содир бўлиш эҳтимоли мавжуд эмас — ФВВ
Янгиликлар19:35 | 6.2.23
Ўзбекистонда кучли зилзилалар содир бўлиш эҳтимоли мавжуд эмас — ФВВ
Қозоғистонда кузатилган зилзила Ўзбекистонда ҳам сезилди
Янгиликлар18:32 | 6.2.23
Қозоғистонда кузатилган зилзила Ўзбекистонда ҳам сезилди
Амрилло Иноятовнинг гаплари коррупцияга қарши курашиш сиёсатига зид ҳаракат деб баҳоланди
Янгиликлар18:15 | 6.2.23
Амрилло Иноятовнинг гаплари коррупцияга қарши курашиш сиёсатига зид ҳаракат деб баҳоланди
«Россия 10 кун ичида Украинага кенг кўламли ҳужумни бошлаши мумкин» — Financial Times
Янгиликлар17:41 | 6.2.23
«Россия 10 кун ичида Украинага кенг кўламли ҳужумни бошлаши мумкин» — Financial Times
Қашқадарёда «Агробанк» ходимлари 4 млрд сўмни ўзлаштиришда гумонланмоқда
Янгиликлар17:07 | 6.2.23
Қашқадарёда «Агробанк» ходимлари 4 млрд сўмни ўзлаштиришда гумонланмоқда

Муҳим хабарлар

Зилзилалар оқшоми. Туркия ва Суриядаги кучли ер силкинишлар

21:02 · 06.02.2023

Ўзбекистонда кучли зилзилалар содир бўлиш эҳтимоли мавжуд эмас — ФВВ

19:35 · 06.02.2023

Қозоғистонда кузатилган зилзила Ўзбекистонда ҳам сезилди

18:32 · 06.02.2023

Амрилло Иноятовнинг гаплари коррупцияга қарши курашиш сиёсатига зид ҳаракат деб баҳоланди

18:15 · 06.02.2023

«Россия 10 кун ичида Украинага кенг кўламли ҳужумни бошлаши мумкин» — Financial Times

17:41 · 06.02.2023

Қашқадарёда «Агробанк» ходимлари 4 млрд сўмни ўзлаштиришда гумонланмоқда

17:07 · 06.02.2023

Ўзбекистон Туркияга зилзила оқибатларини бартараф этиш учун қутқарувчиларни юборади

16:51 · 06.02.2023

Туркия ва Суриядаги зилзила оқибатлари — фоторепортаж

16:39 · 06.02.2023

АҚШ Ўзбекистондан виза учун берилган аризаларнинг 47 фоизи рад этгани маълум бўлди

16:33 · 06.02.2023

Ўзбекистонда ҳафтанинг иккинчи ярмидан ҳаво яна совий бошлайди

15:59 · 06.02.2023