Венгрия Миллий метеорология агентлиги президенти Корнелию Радикс 22 август куни нотўғри об-ҳаво прогнози туфайли ишдан бўшатилди. Бу ҳақда «The Guardian» хабар берди.

Маълум қилинишича, нотўғри прогноз сабабли Будапештда 20 август куни нишонланадиган Миллий байрамда фейерверклар отиш бекор қилинган. Шу билан бирга, барча бош синоптиклар об-ҳаво даражаси тўғрисида ёлғон маълумот бергани учун ишдан олинган. Улар хавфсизлик учун масъул бўлган тезкор гуруҳни чалғитгани таъкидланган.

Метеорология агентлиги 23 август куни метеорология касбига хос бўлган «ноаниқлик омили»ни келтириб, узр сўраган. «Венгрия давлатининг мингйиллиги» шарафига «Европадаги энг йирик» бўлиши аталган фейерверклар учириш маросими 27 августга кўчирилган.

Аввалроқ Венгрияда Украинадаги уруш сабабли фавқулодда ҳолат эълон қилингани ҳақида хабар берилганди.