Халқаро валюта жамғармаси барча мамлакатларнинг марказий банкларига мурожаат қилди

Халқаро валюта жамғармаси менежерининг биринчи ўринбосари Гита Гопинат барча давлатларнинг марказий банклари келгуси беш йил ичида кузатиладиган юқори инфляцияга қарши қаттиқ курашга тайёргарлик кўриши кераклигини маълум қилди. Бу ҳақда у Жексон Хоулдаги иқтисодий симпозиумда айтди. Унинг нутқи матни жамғарма сайтида эълон қилинди.

Фото: RT

ХВЖ коронавирус пандемияси ва Украинадаги воқеалар билан боғлиқ инфляциянинг ўсиши дунёнинг барча мамлакатларида камида яна уч йил давом этишига ишонч билдирган.

«Марказий банклар инфляция юқорилигича қолар экан, ўз позициясида қолиши ва қатъий сиёсат олиб боришини тушуниши керак. Агар инфляция кутилмаганда кучли бўлиб чиқса, банклар ҳаракатларини кескинроқ бўлса ҳам янада агрессив тарзда кучайтириши лозим», — дейди Гопинат.

Халқаро валюта жамғармаси вакилининг қўшимча қилишича, жамғарма таҳлилчилари жаҳон инфляциясининг бундай кескин ва тез ўсишига қандай жараёнлар сабаб бўлганини ҳалигача аниқ тушуна олмаяпти. Чунки бу сафар инфляцияси билан боғлиқ жараён шунчалик жиддий бўлиб чиққанки, пул-кредит сиёсатининг асослари ва прогнозлаш моделлари ҳам ишламай қолган.

«Пандемия ва Украина воқеалари ялпи таклифнинг ўзгаришига олиб келиши мумкин, бу унинг ўзгарувчанлигини оширади ва потенциал ишлаб чиқариш ҳамда бандлик прогнозини янада оғирлаштиради», — дейди ХВЖ.

Қайд этилишича, вазият иқлим бўйича Париж келишувини амалга оширишнинг кейинги муддатга қолдирилиши, шунингдек, мамлакатларнинг глобал савдони чеклайдиган ички сиёсат орқали таъминот занжирларининг мустаҳкамлигини оширишга уриниши туфайли мураккаблашиши мумкин.

«Бир йилдан уч йилгача инфляциянинг сезиларли ўсиши Буюк Британия ва АҚШда содир бўлади», — дейди Гопинат.

Таҳлилчиларнинг фикрича, АҚШда йил давомида рецессия эҳтимоли 45 фоизга баҳоланмоқда. Иқтисодчиларнинг деярли 90 фоизи 2022 йил охирига келиб асосий ставка 3,25–3,50 фоиз оралиғида бўлишига ишонмоқда.

Аввалроқ АҚШда инфляция 40 йил ичида биринчи марта рекорд даражага кўтарилгани хабар берилганди. Шунингдек, ХВЖ яна глобал иқтисодий ўсиш прогнозини пасайтирганди.

Сурхондарё ҳокими Тўра Боболовга жарима қўлланилиб, бир қатор туман ҳокимлари ишдан олинди
Жамият21:39 | 27.9.22
Сурхондарё ҳокими Тўра Боболовга жарима қўлланилиб, бир қатор туман ҳокимлари ишдан олинди
Бугун оқшоми. Кесиб ташланган чинорлар, ядро қуроли билан таҳдид қилган Медведев, 27,5 минг вольтли ток уришидан омон қолган бола
Жамият21:00 | 27.9.22
Бугун оқшоми. Кесиб ташланган чинорлар, ядро қуроли билан таҳдид қилган Медведев, 27,5 минг вольтли ток уришидан омон қолган бола
Ўзбекистонда пахта теримида мажбурий меҳнатга йўл қўйган ҳокимлар жиноий жавобгарликка тортилади
Жамият20:54 | 27.9.22
Ўзбекистонда пахта теримида мажбурий меҳнатга йўл қўйган ҳокимлар жиноий жавобгарликка тортилади
Қашқадарёда канал ёнидан 15 ёшли боланинг жасади топилди
Жамият20:13 | 27.9.22
Қашқадарёда канал ёнидан 15 ёшли боланинг жасади топилди
Эрондаги намойишларда 40 дан ортиқ киши ҳалок бўлди
Жаҳон19:23 | 27.9.22
Эрондаги намойишларда 40 дан ортиқ киши ҳалок бўлди
Соатига 30 километр тезликда ҳаракатланувчи автомобиллар ва 15 дақиқалик шаҳар концепцияси: пиёда сайр қилиш учун идеал шаҳар Париж ҳақида
Жамият19:19 | 27.9.22
Соатига 30 километр тезликда ҳаракатланувчи автомобиллар ва 15 дақиқалик шаҳар концепцияси: пиёда сайр қилиш учун идеал шаҳар Париж ҳақида