Шавкат Мирзиёев «Озарбойжон Республикасининг бир гуруҳ фуқароларини мукофотлаш тўғрисида»ги фармонни имзолади.

Ҳужжатга кўра, Ўзбекистон ва Озарбойжон ўртасидаги дўстлик ва стратегик шериклик муносабатларини ривожлантириш, кўп қиррали ва ўзаро манфаатли ҳамкорликни кенгайтириш, илм-фан ва маданий-гуманитар алоқаларни амалий маъно-мазмун ҳамда янги ташаббуслар билан бойитиш, икки мамлакат қардош халқлари ўртасидаги биродарлик ришталарини мустаҳкамлашга қўшаётган муносиб ҳиссаси учун қуйидагилар мукофотланди:

«Ўзбекистон Республикаси халқ артисти» фахрий унвони билан

• Маммадова Гулянақ Закир қизи — Р. Бейбутов номидаги Озарбойжон давлат мусиқа театри вокалисти

«Дўстлик» ордени билан

• Мустафаев Шаҳин Мажид ўғли — Озарбойжон Миллий фанлар академиясининг академик З.М. Бунядов номидаги шарқшунослик институти бўлим мудири, академик;
• Аскаров Рамиз Бахшали ўғли — Боку давлат университети туркология кафедраси мудири, профессор;
• Биннатова Алмас Қасим қизи — Озарбойжон Миллий фанлар академиясининг Низомий номидаги Адабиёт институти «Озарбойжон—Туркманистон—Ўзбекистон адабий алоқалари» бўлими мудири.

Аввалроқ Шавкат Мирзиёев Мустақиллик байрами муносабати билан қатор соҳа вакилларини мукофотлагани тўғрисида хабар берилганди.