АҚШда болаларни интернетдан ҳимоя қилиш бўйича қонун қабул қилинди
Мазкур қонун барча илова ва сайтларга ягона талаб қўяди
АҚШда барча илова ва сайтлардан 18 ёшдан кичик фойдаланувчиларга чекловлар қўйишни талаб қилувчи биринчи қонун қабул қилинди. Бу ҳақда «The New York Times» хабар берди.
Янги қоида кўплаб онлайн хизматларни юзага келиши мумкин бўлган хавфлар, масалан, нотаниш одамларнинг бир-бирига хабар юборишини чеклашга ёрдам беради.
«Рақамли экотизим болалар учун хавфсиз эмас. Бизнинг фикримизча, Болалар кодекси деб номланган қонунимиз компаниялардан яхшироқ ҳимоя қилишни талаб қилади ва болалар учун хавфсизроқ бўлади», — дейди Калифорния штати ассамблеяси демократи Баффи Уикс.
Штат Сенати қонун лойиҳасини бир овоздан қабул қилган, энди уни губернатор Гэвин Ньюсом маъқуллаши керак, у таклиф қилинган чора-тадбирлар бўйича жамоатчилик позициясини билдирмаган.
Қонуннинг қабул қилинишига нима туртки бўлди?
АҚШ президенти Жозеф Байден 2021 йилда ижтимоий тармоқларда болалар хавфсизлиги масаласини кўтарган. Унинг баёноти Конгресс аъзолари 2021 йил кузда Instagram’нинг тавсия алгоритми ўсмирларнинг ўзига зарар етказиш, улар орасида соғлом овқатланишга зарар етказувчи контентни кўриб чиққандан кейин эълон қилинган.
Google ва Musical.ly 2019 йилда ота-оналар рухсатисиз болалар ҳақидаги шахсий маълумотларни ноқонуний равишда тўплагани аниқланган. Компаниялар бир неча миллион доллар жарима тўлаши керак эди.
Gooogle болалар ҳақидаги маълумотлардан фойдаланиб, YouTube’даги рекламаларни уларга йўналтириш орқали фойда кўрган. Musical.ly эса болаларнинг профил расмлари ва бошқа махфий маълумотларни ҳаммага очиқлаган. Бу амалиёт нотаниш катта ёшли одамларга ёш фойдаланувчилар билан боғланиш имконини бериши мумкин бўлган.
Мутахассислар янги қоидалар бундай хавфларни камайтириши кераклигини айтмоқда. Қонун болаларни ҳимоя қилиш учун онлайн хизматларни талаб қилади. Амалда бу шуни англатадики, иловалар ва сайтлар ўз хизматлари вояга етмаганларга етказилиши мумкин бўлган хавфларни таҳлил қилиши ва камайтириши керак.
2024 йилда кучга кириши керак бўлган янги қоидалар баъзи онлайн хизматларни Калифорниядан ташқарида ҳам қўллашга ундаши мумкин.
Аввалроқ Хитой ҳукумати болаларнинг интернетдан фойдаланиш вақтини чеклаши маълум қилинганди.
