Ўзбекистон Саудия Арабистонининг «FlyNas», БААнинг «WizzAir» ва «Flydubai» компанияларининг авиапарвозларни амалга оширишига рухсат берди. Бу ҳақда «Sputnik» хабар берди.

Маълум қилинишича, «WizzAir Abu Dhabi» авиакомпанияси Абу-Даби—Тошкент—Абу-Даби йўналишида парвоз қилади. «FlyNas» эса Жидда—Тошкент—Жидда , «Flydubai» Дубай–Наманган–Дубай йўналишида парвоз қилиш учун рухсат олган.

Охирги компания аллақачон Тошкент ва Самарқанд аэропортларига рейсларни амалга оширмоқда.

Аввалроқ Истанбулдан Бухорога мунтазам авиарейслар йўлга қўйилгани ва Москва–Тошкент йўналиши бўйича парвозлар сони оширилиши маълум қилинган.