Эрон ШҲТга аъзо давлатларга ўзининг йирик портларига кириш ҳуқуқини беришга тайёрлигини билдирди

Эрон Шанхай ҳамкорлик ташкилотига аъзо мамлакатларга ўзининг йирик портларидан фойдаланиш имконини беришга тайёрлигини билдирди. Бу ҳақда Эроннинг Қирғизистондаги фавқулодда ва мухтор элчиси Саид Харозий «ШҲТни кенгайтириш: ҳамкорликнинг янги уфқлари» мавзусидаги давра суҳбатида айтиб ўтди, деб хабар берди «Sputnik».

Фото: «Sputnik»

Қайд этилишича, Эроннинг Бандар-Аббос ва Чабаҳор шаҳарларидаги портлар ШҲТга аъзо давлатлар учун денгиз ва жаҳон бозорларига янги йўл очиши мумкин.

«Эроннинг Форс кўрфази ва Уммон денгизидаги геосиёсий позицияси ташкилотга аъзо мамлакатларга денгиз ва жаҳон бозорларига чиқиш учун Бандар-Аббос ва Чабаҳор портларининг афзалликларидан фойдаланиш имконини беради», — деган элчи.

Унинг сўзларига кўра, Эроннинг мамлакат ичидаги кўплаб имкониятларидан минтақа давлатлари, жумладан, ШҲТга аъзо давлатлар ҳам фойдаланиши мумкин.

Саид Харозий Эрон минтақавий ҳамкорликни мустаҳкамлашга доимо эътибор қаратган давлат сифатида Шанхай ҳамкорлик ташкилотини ҳамкорлик учун катта имкониятлар ва аниқ истиқболга эга муҳим минтақавий ташкилот сифатида баҳолашини таъкидлаган. Шунингдек, у ташкилотга аъзо давлатлар раҳбарларининг 15–16 сентябрь кунлари Самарқанд шаҳрида бўлиб ўтадиган музокаралари турли сабабларга кўра муҳим эканини қайд этган.

«Ушбу учрашув АҚШ қуролли кучлари Афғонистондан масъулиятсиз олиб чиқиб кетилганига бир йил ўтган бир шароитда ўтмоқда. Шундан сўнг Афғонистондаги террорчилик гуруҳлари ўтмишдагига қараганда фаоллашди ва бугунги кунда улар минтақа мамлакатларига, жумладан, Марказий Осиёга ҳам жиддий таҳдид сифатида баҳоланмоқда», — деди у.

Эрон элчиси Украина инқирозининг таъсири ва оқибатлари ҳамда Россияга қарши санкциялар ҳам бўлажак саммитнинг аҳамиятини оширганини қўшимча қилган. Унинг фикрича, бўлажак саммит қарорлари аъзо давлатларнинг келгуси ҳамкорлиги ва минтақадаги мавжуд муаммоларга қандай дош беришида муҳим ўрин тутади.

Эслатиб ўтамиз, Эрон 2021 йил сентябрь ойида Душанбе шаҳрида бўлиб ўтган ташкилот саммитида маъқулланган ШҲТга аъзо бўлиш жараёнини бошлаган. Ҳозирда доимий аъзоликни имкон қадар тезроқ олиш учун барча қонуний жараёнлар жадал суръатларда амалга оширилмоқда.

Аввалроқ Шанхай Ҳамкорлик Ташкилотига (ШҲТ) аъзо қатор давлатларни ўз ичига олган Марказий Осиёдаги АҚШ ҳарбий машғулотлари америкаликларга ҳарбий ҳаракатларнинг потенциал театрини ўрганиш, нишонлар ва хариталарни аниқлаштириш учун зарурлиги қайд этилганди.

Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Жаҳон23:34 | 24.9.22
Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Жаҳон22:25 | 24.9.22
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Жамият, Жаҳон21:00 | 24.9.22
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Бухорода олти тонна пахтани яширин равишда олиб кетаётган шахслар ушланди
Жамият20:35 | 24.9.22
Бухорода олти тонна пахтани яширин равишда олиб кетаётган шахслар ушланди
Путин сафарбарлик юзасидан янги қонун имзолади
Жаҳон20:14 | 24.9.22
Путин сафарбарлик юзасидан янги қонун имзолади
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди
Жаҳон19:42 | 24.9.22
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди