Нукус–Мўйноқ–Тошкент йўналишида авиақатнов йўлга қўйилади
Қатнов қайси кунлари амалга оширилиши маълум қилинди
«Uzbekistan Airways» Нукус–Мўйноқ–Тошкент йўналишидаги авиақатновни йўлга қўймоқда. Бу ҳақда компания матбуот хизмати хабар берди.
Маълум қилинишича, Мўйноқ ва Нукус аҳолиси учун қулай шарт-шароитлар яратиш ҳамда йўловчиларнинг талаб ва истакларини инобатга олган ҳолда, 12 сентябрдан бошлаб Нукус–Мўйноқ–Нукус йўналишида қатновлар йўлга қўйиди. Қатновлар душанба кунлари амалга оширилади.
Шунингдек, фақат 9 сентябрь куни «HY-012» Нукус–Тошкент йўналишида авиақатнов Мўйноқ аэропортига қўниб, йўловчиларни бортга қабул қилади.
Эслатиб ўтамиз, аввалроқ «Ўзтемирйўлйўловчи» акциядорлик жамияти «Тошкент — Андижон — Тошкент» йўналишида қўшимча рейсларни йўлга қўйиши ҳақида хабар берилганди. «Ўзтемирйўлйўловчи» акциядорлик жамияти йўловчиларга янада қулайлик яратиш мақсадида 60/59-сонли «Тошкент — Андижон — Тошкент» йўналишидаги йўловчи поезди 2022 йилнинг 8–15–22–29 сентябрь кунлари қўшимча равишда 4-рейс ташкил этиши маълум қилинганди.
