0:49 | 09.09.22 1206
Ўзбекистон 7 ойда қанча газ плита экспорт қилгани маълум бўлди
Экспортнинг асосий қисми Қозоғистонга амалга оширилган
Ўзбекистон 2022 йилнинг январь-июль ойларида 11 та хорижий давлатларга қиймати 1,9 миллион долларига тенг бўлган 19 038 дона газ плиталар экспорт қилди. Бу ҳақда Давлат статистика қўмитаси хабар берди.
Қайд этилишича, газ плиталар экспорти 2021 йилнинг мос даврига нисбатан солиштирилганда 10,7 мингтага камайган.
Ўзбекистон 7 ой мобайнида энг кўп газ плиталарни экспорт қилган давлатлар:
- Қозоғистон – 10,8 мингта;
- Тожикистон – 3,8 мингта;
- Россия – 2 мингта.
Маълумот учун, 2022 йилнинг 7 ойи мобайнида Ўзбекистонга 25 266 дона газ плиталар импорт қилинганди.
Аввалроқ Ўзбекистон IT-экспорти 2022 йилнинг ўтган даврида 4,4 бараварга ошиб, 53,2 миллион долларни ташкил этгани тўғрисида хабар берилганди.
