Журналистика университетида ички суриштирувлардан сўнг 1 нафар ходим ишдан бўшатилди

Ўзбекистон журналистика ва оммавий коммуникациялар университети ректорга салом бермаган талаба калтаклангани тўғрисидаги хабарларга муносабат билдирганди. Ҳолат юзасидан ўтказилган ички суриштирувлардан сўнг 1 нафар ходим ишдан бўшатилгани маълум қилинди.

Фото: «Bugun.uz»

Таъкидланишича, 2022 йилнинг 10 сентябрь куни Ўзбекистон журналистика ва оммавий коммуникациялар университети Одоб-ахлоқ комиссиясининг кенгайтирилган таркибдаги йиғилиши бўлиб ўтган.

Мазкур йиғилишда жорий йилнинг 9 сентябрь куни университет талабаси Ж. Маҳмудов ҳамда университет ходимлари У. Рустамов, Х. Мирзаев, Ф. Очиловлар ўртасида бўлиб ўтган келишмовчилик ҳолати кўриб чиқилган.

Ўрганишга кўра, университет ходими Х. Мирзаев талаба билан ўзаро қўпол муомала сабабли шахсий тортишувга борганлиги маълум бўлган. Вазият университет профилактика нозири Ҳ. Содиқов томонидан ўрганиб чиқилган ва шу куннинг ўзида томонлар ярашуви қарори қабул қилиниб, масалага ечим берилгани аниқланган.

Бироқ, ярашув қарори қабул қилинганига қарамай, университет ички меҳнат тартиби қоидалари бузилгани юзасидан чора кўриш лозим деб топилган.

Меҳнат кодексининг 181-моддасида (Интизомий жазолар) назарда тутилган интизомий жазо чораси яъни, ўз ваколати доирасидан ташқарига чиққанлиги сабабли Х. Мирзаев эгаллаб турган лавозимидан озод этилган ва у билан тузилган меҳнат шартномаси бекор қилинган.

Бошқа ходимлар У. Рустамов ва Ф. Очиловга нисбатан ҳайфсан интизомий чорасини қўллаш юзасидан қарор қабул қилинган. Шунингдек, университет раҳбариятига ўз вақтида хабар бермагани сабабали профилактика нозири капитан Ҳ. Содиқовга нисбатан тегишли чора кўрилиши учун туман Ички ишлар органига тавсия юборилган.

Аввалроқ ЎзЖОКУ ректори Шерзодхон Қудратхўжа Тошкент шаҳрида талабаларга турар-жойи етишмаётганини айтиб, обуначиларига мурожаат қилганди. Ректор кимнингдир қариндоши, таниши ҳовлисида, хонадонида жой бўлса, талабаларга ижарага беришни сўраган.

Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Жаҳон23:34 | 24.9.22
Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Жаҳон22:25 | 24.9.22
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Жамият, Жаҳон21:00 | 24.9.22
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Бухорода олти тонна пахтани яширин равишда олиб кетаётган шахслар ушланди
Жамият20:35 | 24.9.22
Бухорода олти тонна пахтани яширин равишда олиб кетаётган шахслар ушланди
Путин сафарбарлик юзасидан янги қонун имзолади
Жаҳон20:14 | 24.9.22
Путин сафарбарлик юзасидан янги қонун имзолади
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди
Жаҳон19:42 | 24.9.22
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди