Ўзбекистонда «переводчилар» учун ҳам супер-контрактга 10 фоиз чегирма берилиши маълум қилинди. Бу ҳақда ҳуқуқшунос Хушнудбек Худойбердиев ўзининг Telegram каналида маълум қилди.

Унинг сўзларига кўра, хориждан ва Ўзбекистондаги нодавлат ОТМлардан ўқишини давлат ОТМларига кўчириш учун ариза берган ва тестда ўтиш балини ололмаган талабгорлар ҳам агар ўзлари хоҳласа, супер-контракт асосида ўқишлари мумкин.

Тез орада уларга супер-контракт учун онлайн ариза юбориш ва шартнома олиш имкони яратилади. Бунинг учун ОТМга бориш шартмас.

«Шунингдек, ‘переводчилар’ учун ҳам супер-контрактга 10 фоиз чегирма бериладиган бўлди», дейилади хабарда.

Аввалроқ Ўзбекистондаги барча давлат олий таълим муассасаларида супер-контрактда ўқиш бўйича янги тартиб белгиланди.