Фарғонада эркак хорижда ишламоқчи бўлган хотинини пичоқлади

Фарғона вилояти Қўқон шаҳрида чет давлатга ишлагани кетаман деган аёл эри томонидан пичоқланди. Бу ҳақда «Севимли» телеканали «Замон» дастурида хабар берилди.

Кадр: Telegram / @zamon_lavhalar

Қайд этилишича, Қўқон шаҳридаги квартиралардан бирида вақтинча яшаб келаётган оиладаги эр-хотин ўртасида келишмовчилик юзага келган ва аёл аразлаб чиқиб кетган. Қайнона-қайнотаси аёлнинг она уйига боришганда у синглисиникида яшаб келаётгани маълум бўлган.

Шундан сўнг, аёл эрига телефон қилиб Туркия давлатига кетаётгани ва ойига 200 доллар пул юбориб туришини ва ўғлига ғамхўрлик қилиб туришини айтган. Эри эса уни бу фикридан қайтаришга уринган. Орадан 4-5 кун ўтгач ўзларининг вақтинча ижарада турган уйида кўришишганда жанжал юзага келган.

Эркак хотинини аввал танасининг турли жойларига қўли билан уриб, сўнгра ўнг кўз қовоғи ва кўкрак қафасининг чап соҳасига пичоқ билан уриб ҳаёт учун хавфли тан жароҳатлари етказган.

Шунингдек, ҳолат юзасидан жиноят иши очилиб қонуний баҳо берилиши учун судга юборилган. Жиноят ишлари бўйича Қўқон шаҳар суди томонидан судланувчига Жиноят кодексининг 104-моддаси (Қасддан баданга оғир шикаст етказиш) 2-қисми «л» бандида кўрсатилган жиноятни содир этган деб топилиб унга нисбатан 5 йил муддатга озодликдан маҳрум қилиш жазоси тайинланган. Жазо қаттиқ тартибдаги калонналарда ўталиши белгиланган.

Эслатиб ўтамиз, аввалроқ Сурхондарёда хотини ва қайнонасини пичоқлаб ўлдирган эркакка ҳукм ўқилгани ҳақида хабар берилганди. Шунингдек, Тошкентда 70 ёшли аёл 96 га кирган онасини пичоқлаб ўлдиргани, Навоийда ота 16 ёшли ўғлининг ўлимига сабабчи бўлгани тўғрисида хабар берилганди.

Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Жаҳон23:34 | 24.9.22
Қутқарув кемасида баскетбол ўйнаётган муҳожирлар, намойишларни бостираётган ҳарбийлар, карантиндаги шаҳар — бугун суратлари
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Жаҳон22:25 | 24.9.22
Тожикистон Бош прокуратураси қирғиз ҳарбийлари ва фуқароларига нисбатан жиноий иш қўзғатди
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Жамият, Жаҳон21:00 | 24.9.22
Бугун оқшоми. Украиналик хакерлар ҳужумига учраётган «Мир», 60 ёшида талаба бўлган маҳалла раиси, «сафарбарлик»ка қарши намойишлар
Бухорода олти тонна пахтани яширин равишда олиб кетаётган шахслар ушланди
Жамият20:35 | 24.9.22
Бухорода олти тонна пахтани яширин равишда олиб кетаётган шахслар ушланди
Путин сафарбарлик юзасидан янги қонун имзолади
Жаҳон20:14 | 24.9.22
Путин сафарбарлик юзасидан янги қонун имзолади
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди
Жаҳон19:42 | 24.9.22
Туркия БМТ Хавфсизлик кенгашининг вето қўйиш ҳуқуқини бекор қилиш таклифи билан чиқди