22:35 | 12.09.22 261

Нидерландияда душда тез ювиниш тарғиб қилинмоқда

Бунинг учун аҳолига таймерлар сотиб олинган

Нидерландияда беш дақиқадан кўп бўлмаган душ қабул қилишни тарғиб қилувчи кампания бошланди. Бу ҳақда «Mint» хабар берди.

Фото: «Wall Street Journal»

Маълум қилинишича, мамлакатда яшовчи Карла Генералаалнинг душда 15 дақиқа вақт ўтказган ҳикояси жамоатчилик орасида кенг тарқалган. Унга йигити бир соатлик таймер совға қилиб, уни камроқ сув исроф қилишга чақирган.

Нидерландия ҳукумати эндиликда мамлакат аҳолисини иссиқ душга беш дақиқадан кўп вақт сарфламасликка чақирмоқда. Одамларга Карланинг ҳикоясидан ташқари, электр ва газ таъминоти учун оширилган тўловлар мотивация сифатида ишлатилади.

Мамлакатнинг шимоли-шарқидаги вилоятлардан бирида маъмурият аҳолига сувни тежаши учун ҳатто беш дақиқалик таймерларни сотиб олган ва тарқатган.

Аввалроқ Германияда вазир аҳолига душ ўрнига «мочалка»дан фойдаланишни таклиф қилганди. Шунингдек, Британияда аҳолининг сувдан фойдаланишига чеклов жорий қилинганди.