Хоразм вилояти Хива шаҳрининг барча маҳаллалари ва туманининг айрим ҳудудларида 12 сентябрь куни газ таъминоти тўхтатилади. Бу ҳақда «Ҳудудгаз Хоразм» хабар берди.

Маълум бўлишича, 2022-2023 йиллар куз-қиш мавсумига тайёргарлик кўриш доирасида «Хива-2» газ тақсимлаш станциясида таъмирлаш ишлари олиб борилади.

Шу сабабли 08:00 дан 18:00 гача Хива шаҳрининг барча маҳаллалари ва Хива туманининг Достон, Гулшан, Аваз Дунак, Пола Султон, Пона Мақсим, Отажон Тўра, Гандимиён маҳаллаларига табиий газ етказиб бериш вақтинчалик тўхтатилади.

«Таъмирлаш ишлари тугатилгандан сўнг, табиий газ таъминоти қайта тикланади. Ҳудудгаз Хоразм газ таъминоти филиали газ таъминотидаги вақтинча узилишлар учун истеъмолчилардан узр сўрайди», дейилади хабарда.

Эслатиб ўтамиз, 12 сентябрь куни Тошкент шаҳрининг Олмазор ва Юнусобод туманларида ҳам газ таъминоти вақтинча тўхтатилади.