Қашқадарёда қимор ўйнаган йигитларга чора кўрилди
Қарши шаҳрида қимор ўйнаган йигитлар жавобгарликка тортилди, деб хабар беради вилояти Ички ишлар бошқармаси ахборот хизмати.
Маълум қилинишича, 2022 йил 10 сентябрь куни тунги соат 01:00 ларда Қарши шаҳар ИИО ФМБ 3-сонли ИИБ ходимлари шаҳарнинг 8-кичик туманида Б.Р., Ч.Ф. ва Н.А. исмли фуқаролар тунги вақтда шовқин қилиб, қимор ва таваккалчиликка асосланган ўйинларда иштирок этгани ҳолатини аниқлаган. Ўйин иштирокчиларидан 211 минг сўм пул ва ўйин карталари ҳужжатлаштириб олинган.
Ҳолат юзасидан тўпланган ҳужжатлар жиноят ишлари бўйича Қарши шаҳар судида кўриб чиқилиб, ҳуқуқбузарларга нисбатан тегишли жазо чораси қўлланилган.
Аввалроқ Навоийда 62 ёшли эркак қиморхона ташкил қилгани аниқлангани, Учқўрғон туманидаги ошхона ертўласида 47 ёшли эркак қиморхона ташкил этгани тўғрисида хабар берилганди. Шунингдек, Ўзбекистонда онлайн қиморга тўлов қилиб бераётганларга жавобгарлик кучайтирилиши маълум қилинганди.
