Арманистон Боку билан ўт очишни тўхтатишга келишиб олди

Арманистон Озарбайжон билан ўт очишни тўхтатиш бўйича келишувга эришишга муваффақ бўлди. Бу ҳақда Арманистон Хавфсизлик кенгаши котиби Армен Григорян Жамоат телевидениеси эфирида маълум қилди, деб хабар беради «News.am».


Фото: «AP Photo»

Унинг сўзларига кўра, келишувга жаҳон ҳамжамиятининг иштироки туфайли эришилган. «Озарбайжон ўт очишни тўхтатиш режимига риоя қилади деган умиддамиз», — дейди у.

Аввалроқ Озарбайжон Ташқи ишлар вазирлиги Боку бир томонлама тартибда Арманистонга инсонпарварлик сулҳини таклиф қилгани тўғрисида хабар берганди. Ташқи ишлар вазири Жайҳун Байрамон Арманистон билан чегарадаги кескинликни юзага келтириш, шунингдек, вазиятни беқарорлаштириш Озарбайжон манфаатига тўъри келмаслигини таъкидлаган.

Арманистон бош вазири Никол Пашинян ўз навбатида мамлакат парламентидаги чиқиши давомида бир ҳужжатга имзо чекиш ниятида эканини, бунинг оқибатида «бизни танқид қилишади, ланъатлашади, сотқин деб аташади, халқ ҳатто бизни ҳокимиятни четлатиш бўйича қарор қабул қилиши мумкин» деган. Бироқ бош вазир бунинг натижасида Арманистонда тинчлик ва хавфсизлик ҳукм сурса, мамлакат раҳбарияти бундан миннатдор бўлишини қўшимча қилган.

Бу Ереванда норозиликларни юзага келтирган — одамлар ҳукумат биноси қаршисида тўпланиб, «Никол — сотқин!», шунингдек, «Кетинглар!» дея бақиришган. Кейинроқ ҳукумат раҳбари ўз сўзларини рад этган. «Ҳурматли ҳамюртлар, манипуляцияга берилмасликларингни сўрайман. Ҳеч қандай ҳужжат имзоланмади ва имзолашга тайёрланмаяпти ҳам», — деган у.

Икки давлат ўртасидаги можаро 12 сентябрда кескинлашган. Кечаси Арманистон–Озарбайжон чегарасида тўқнашувлар содир бўлган, икки томондан қурбонлар ва жароҳатланганлар бор. Арманистон бош вазири Никол Пашинян 49 киши ҳалок бўлганини айтмоқда. Озарбайжон эса бу кўрсаткични ҳозирча очиқламаган. 13 сентябр куни Озарбайжон ва Арманистон Тошкент  вақти билан соат 10:00 дан бошлаб ўт очишни тўхтатишга келишиб олганди.

Ўзбекистонда илк бор робот-жарроҳ ёрдамида мураккаб амалиёт ўтказилди
Жамият, Тошкент ш.15:08 | 28.9.22
Ўзбекистонда илк бор робот-жарроҳ ёрдамида мураккаб амалиёт ўтказилди
«Залдан чиқиб кетинг ва гувоҳномани топширинг». Умурзоқов ҳокимларни қандай ишдан олгани аудиоси тарқалди
Жамият14:46 | 28.9.22
«Залдан чиқиб кетинг ва гувоҳномани топширинг». Умурзоқов ҳокимларни қандай ишдан олгани аудиоси тарқалди
Яккасарой туманидаги «Мовий гумбаз» ҳиёбонида қуриган дарахтлар кесиб ташланади
Жамият14:16 | 28.9.22
Яккасарой туманидаги «Мовий гумбаз» ҳиёбонида қуриган дарахтлар кесиб ташланади
Тошкентда сохта маълумотлар билан банкдан 2,5 млрд сўм кредит олганлар аниқланди
Жамият13:53 | 28.9.22
Тошкентда сохта маълумотлар билан банкдан 2,5 млрд сўм кредит олганлар аниқланди
Олий суд ноҳақ айбланган фуқаронинг ҳуқуқларини тиклаб берди
Жамият13:53 | 28.9.22
Олий суд ноҳақ айбланган фуқаронинг ҳуқуқларини тиклаб берди
Ўзбекистонда куз-қиш мавсумига тайёргарлик учун 2 трлн сўм ажратилади
Жамият13:31 | 28.9.22
Ўзбекистонда куз-қиш мавсумига тайёргарлик учун 2 трлн сўм ажратилади