Сурияда тарқалган вабо бутун минтақага хавф туғдириши мумкин — БМТ

БМТ сўнгги йилларда биринчи марта Сурияда қайд этилган вабодан хавотирда эканини билдирди. Ташкилотдагиларнинг маълум қилишича, ушбу касаллик бутун минтақа учун хавф туғдириши мумкин, деб хабар беради «BBC».

Фото: «BBC»

Маълум қилинишича, сўнгги уч ҳафтада Сурияда вабога чалиниш бўйича 900 дан ортиқ ҳолат қайд этилган ва саккиз киши касаллик оқибатида ҳалок бўлган. Касаллик Ҳалаб ва Дейр-аз-Зор вилоятларида тарқалган. Тахминларга кўра, вабо одамлар вилоятлар орасидан оқиб ўтувчи ва қишлоқ хўжалиги маҳсулотларини етиштиришда фойдаланиладиган Фурот дарёсининг сувини ичиши оқибатида юзага келган. Касалликнинг тарқалиши, шунингдек, иқлим ўзгариши ва мамлакат ичидаги можаролар сабаб бутун Сурияда сув етишмаётганини кўрсатмоқда.

«Касаллик Сурияда ва минтақадаги барча инсонлар учун жиддий хавф туғдирмоқда. Касалланиш ва ўлим ҳолатларининг олдини олиш учун зудлик билан шошилинч ҳаракатларни кўриш керак», — дейди БМТнинг Суриядаги гуманитар масалалар бўйича координатори Имрон Ризо.

БМТнинг маълум қилишича, гуманитар ёрдам аллақачон зарар кўрган ва бошқа хавфли ҳудудлардаги тиббиёт муассасаларига етказилган. Тоза ичимлик суви ҳам юк машиналарида олиб келинмоқда.

Аввалроқ Ўзбекистонда сув қувурлари орқали вабо тарқалиши мумкинлиги ҳақида хабар тарқалганди. «Ўзсувтаъминот» мазкур хабар юзасидан муносабат билдириб, фуқаролардан бу каби ёлғонларга ишонмасликларини ва жўмраклардан сув ичмаслик тўғрисидаги чақириқларга қулоқ солмасликни сўраган. Шунингдек, Нурмат Отабеков Ўзбекистонда вабо касаллиги аниқлангани ҳақидаги хабарларни рад этганди.

Ўзбекистондаги қурилиш институтлари Туркия университетлари билан ҳамкорлик қилади
Жамият22:02 | 27.9.22
Ўзбекистондаги қурилиш институтлари Туркия университетлари билан ҳамкорлик қилади
Сурхондарё ҳокими Тўра Боболовга жарима қўлланилиб, бир қатор туман ҳокимлари ишдан олинди
Жамият21:39 | 27.9.22
Сурхондарё ҳокими Тўра Боболовга жарима қўлланилиб, бир қатор туман ҳокимлари ишдан олинди
Бугун оқшоми. Кесиб ташланган чинорлар, ядро қуроли билан таҳдид қилган Медведев, 27,5 минг вольтли ток уришидан омон қолган бола
Жамият21:00 | 27.9.22
Бугун оқшоми. Кесиб ташланган чинорлар, ядро қуроли билан таҳдид қилган Медведев, 27,5 минг вольтли ток уришидан омон қолган бола
Ўзбекистонда пахта теримида мажбурий меҳнатга йўл қўйган ҳокимлар жиноий жавобгарликка тортилади
Жамият20:54 | 27.9.22
Ўзбекистонда пахта теримида мажбурий меҳнатга йўл қўйган ҳокимлар жиноий жавобгарликка тортилади
Қашқадарёда канал ёнидан 15 ёшли боланинг жасади топилди
Жамият20:13 | 27.9.22
Қашқадарёда канал ёнидан 15 ёшли боланинг жасади топилди
Эрондаги намойишларда 40 дан ортиқ киши ҳалок бўлди
Жаҳон19:23 | 27.9.22
Эрондаги намойишларда 40 дан ортиқ киши ҳалок бўлди