Россиядан оммавий учиб кетишлар бошланиши ортидан бир қатор шаҳарларга авиачипталар тугаб қолди

Москвадан Истанбул, Ереван, Тошкент, Боку ва бошқа шаҳарларга виза талаб қилинмайдиган энг яқин тўғридан-тўғри рейсларда авиачипталар тугаб қолди. Бу ҳақда «РБК» хабар берди.

Маълум қилинишича, Тошкентга учмоқчи бўлганлар 23 сентябрдаги рейсга «Аэрофлот» орқали 64 минг рублга (11 миллион 648 минг сўм) чипта сотиб олишлари мумкин.

Москвадан Истанбулга тўғридан тўғри парвоз қилиш учун чиптани 23 сентябргача сотиб олиш мумкин эмас. Чипта нархи 76 минг рубль (13 миллион 832 минг сўм) бўлади. Бу рейс учун чипта авиакомпания сайтидан олиб ташланган. Энг тез тўғридан-тўғри рейс 25 сентябрга мўлжалланган бўлиб, уни 58 минг рублга (10 миллион 556 минг сўм) сотиб олиш мумкин. Turkish Airlines веб-сайтида худди шундай чипта 24 сентябрдан кейин 81 минг рублга (14 миллион 742 минг сўм) мавжуд.

Москвадан Ереванга парвозларда ҳам ҳудди шундай ҳолатни кўриш мумкин. «Аэрофлот» веб-сайтида 23 сентябрь куни учун фақат 122 минг рубллик (22 миллион 404 минг сўм) «бизнес-класс» чипталари қолган. «Эконом класс»да 24 сентябрдагина 62 минг рубль (11 миллион 284 минг сўм) эвазига учиб кетиш мумкин.

«Аэрофлот» орқали Бокуга тўғридан-тўғри чиптани ҳам 23 сентябрдан аввал топиб бўлмайди ва бу 74,5 минг рублга (13 ниллион 559 минг) тўғри келади. Шунингдек, авиакомпания веб-сайтидаги маълумотларга кўра, 22 сентябрь учун 719 евро ва 24 сентябрь кунига 394 евролик чипталар мавжудлиги маълум қилинган.

Эслатиб ўтамиз, аввалроқ Россия президенти Владимир Путин мамлакатда қисман ҳарбий сафарбарлик эълон қилганди. Шундан сўнг мудофаа вазири Сергей Шойгу сафарбарликка кимлар жалб қилиниши ҳақида маълумот бериб, уларнинг сони 300 мингга етишини билдирди. Сафарбарлик эълон қилинганидан сўнг Россия фонд бозори кескин қулади. Шунингдек, Ташқи меҳнат миграцияси агентлиги Россиядаги ўзбекистонликларга мурожаат қилиб, уларни оммавий намойишларда иштирок этмасликка чақирди.

Қорақалпоғистонда Солиқ инспекциясига тегишли ошхона портлаши оқибатида бир киши ҳалок бўлди
Янгиликлар12:27 | 28.1.23
Қорақалпоғистонда Солиқ инспекциясига тегишли ошхона портлаши оқибатида бир киши ҳалок бўлди
Қорақалпоғистонда «Қизил китоб»га киритилган кийиклар отиб кетилди
Янгиликлар12:05 | 28.1.23
Қорақалпоғистонда «Қизил китоб»га киритилган кийиклар отиб кетилди
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Янгиликлар11:43 | 28.1.23
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Янгиликлар11:21 | 28.1.23
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди