Тошкент—Пермь хақларо автобус қатнови қайта тикланди
Қатновлар ҳафтанинг сешанба ва жума кунлари амалга оширилади
«Тошкент» автовокзали Россияга қатновчи халқаро автобус йўналишлари тўғрисида маълумот берди. Унда келтирилишича, Тошкент—Пермь ўртасидаги қатновлар қайта тикланган.
Қайд этилишича, Пермга қатновчи автобуслар ҳафтанинг ҳар сешанба ва жума кунлари соат 17:25 да «Тошкент» автовокзалидан йўлга чиқади. Чипта нархи — 905 минг сўм.
Шунингдек, қуйидаги йўналишлар бўйича ҳам Россияга автобус қатновлари амалга оширилмоқда:
- ҳар куни соат 12:00 да — Тошкент—Москва (чипта нархи 1 миллион 205 минг сўм);
- ҳар сешанба ва жума кунлари соат 11:00 да — Тошкент—Қозон (чипта нархи 905 минг сўм);
- ҳар душанба кунлари соат 14:00 да — Тошкент—Новосибирск (чипта нархи 905 минг сўм);
- ҳар сешанба ва шанба кунлари соат 23:30 да — Тошкент—Омск (чипта нархи 805 минг сўм);
- ҳар пайшанба кунлари соат 06:00 да — Тошкент—Нижний Новгород (чипта нархи 1 миллион 5 минг сўм);
- ҳар чоршанба кунлари соат 20:00 да — Тошкент—Санкт-Петербург (чипта нархи 1 миллион 505 минг сўм).
Чипталарни «Тошкент» автовокзали чиптахоналаридан сотиб олиш мумкин.
Аввалроқ Фарғонадан Самарқандга Тожикистон орқали автобус қатнови амалга оширилганди. Шунингдек, Тошкент–Нижний Новгород йўналиши бўйича автобус қатнови йўлга қўйилган.
Мавзуга доир: Ўш–Андижон йўналиши бўйича автобус қатнови тикланди
