Тошкент шаҳри Олмазор туманида Мажбурий ижро бюроси қарздор фуқародан 50 миллион сўм қарздорликни давлат фойдасига ундирди. Бу ҳақда буюронинг ахборот хизмати хабар берди.

Қайд этилишича, Тошкент шаҳар Ички ишлар бошқармаси йўл-ҳаракати хавфсизлиги хизматининг бир қатор қарорларига асосан қарздор А.А.дан йўл ҳаракати қоидаларига амал қилмагани сабаб Йўл ҳаракати хавфсизлиги бошқармаси ходимлари томонидан жами 63 та маъмурий баённома тузилган бўлиб, 50 миллион сўм миқдорида маъмурий жарималар ундириш белгиланган.

Шунингдек, қарорлар ижроси таъминланиши мақсадида мажбурий ижро ҳаракатларига киришилиб, қарздор фуқарога тегишли бўлган Cobalt машинасини хатлаш жараёнида фуқародан 50 миллион сўм миқдоридаги маъмурий жарималар тўлиқ ундирилиб, ижро иши тамомланган.

Эслатиб ўтамиз, аввалроқ Бухорода хорижга чиқмоқчи бўлган эркакдан 8 йиллик алимент олдиндан ундирилгани ҳақида хабар берилганди.