Ўзбекистон ва Қирғизистон томонлари чегара бўйича қўшма протокол имзолади

Ўзбекистон ва Қирғизистоннинг ўзбек-қирғиз давлат чегарасини делимитация ва демаркация қилиш бўйича ҳукумат делегациялари томонидан Ўзбекистон ва Қирғизистон ҳукумат делегациялари қўшма йиғилиши баённомаси имзоланди. Бу ҳақда Қирғизистон Вазирлар Маҳкамаси матбуот хизмати хабар берди.

Фото: Қирғизистон Вазирлар Маҳкамаси матбуот хизмати

Қайд этилишича, ҳужжатни Ўзбекистон томонидан бош вазир Абдулла Арипов, Қирғизистон томонидан Миллий хавфсизлик давлат қўмитаси раиси, Қирғизистон вазирлар маҳкамаси раиси ўринбосари Қамчибек Ташиев имзолаган.

Шунингдек мазкур ҳужжат Ўзбекистон—Қирғизистон давлат чегарасининг айрим участкалари тўғрисидаги янги шартнома лойиҳасини келишиш тартибини бошлаш имконини бериши таъкидланган.

Фото: Қирғизистон Вазирлар Маҳкамаси матбуот хизмати

Ўзбекистон бош вазири Абдулла Арипов Ўзбекистон-Қирғизистон давлат чегарасини делимитация ва демаркация қилиш тўғрисидаги шартнома лойиҳасини келишиш бўйича Ўзбекистон томонининг тўлиқ қатъиятини тасдиқлаган.

«Икки республика ҳукумат делегациялари қаттиқ ишлаб, ўзбек-қирғиз давлат чегарасининг қолган участкаларини мувофиқлаштириш бўйича машаққатли вазифани амалга оширди. Ишончим комилки, делимитация жараёнининг якунланиши азалий дўстлигимиз дахлсизлиги ва чинакам қардошлик муносабатларимизни яна бир бор тасдиқлайди», — деган Абдулла Арипов.

Қирғизистон Вазирлар Маҳкамаси раисининг ўринбосарининг сўзларига кўра, бугунги кунда Ўзбекистон ва Қирғизистон яқин қўшни, ҳақиқий дўст ва стратегик шерик ҳисобланади. Қирғизистон Ўзбекистон билан сиёсий, савдо-иқтисодий, сармоявий, транспорт, минтақалараро, маданий-гуманитар алоқаларни янада кенгайтиришга ҳар томонлама тайёрлиги билдирилган.

«Умид қиламанки, бугунги қўшма йиғилиш натижаларига кўра, биз президентларимиз томонидан яқин келажакда Қирғизистон ва Ўзбекистон ўртасида Қирғизистон-Ўзбекистон давлат чегараси участкалари тўғрисидаги шартнома лойиҳасини имзолаш учун тайёрлаймиз», — деган Қамчибек Ташиев.

Эслатиб ўтамиз, аввалроқ Абдулла Арипов Қирғизистон президенти Садир Жапаров билан учрашгани ҳақида хабар берилганди. Томонлар Қирғизистон ва Ўзбекистон ўртасидаги сиёсий, савдо-иқтисодий, маданий-гуманитар ва бошқа соҳалардаги ҳамкорликни янада кенгайтириш ва чуқурлаштириш масалаларини муҳокама қилган.

Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Янгиликлар11:43 | 28.1.23
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Янгиликлар11:21 | 28.1.23
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Янгиликлар18:42 | 27.1.23
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Янгиликлар16:38 | 27.1.23
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда