Хитойнинг China Southern Airlines авиакомпанияси Ўзбекистонга парвозларни йўлга қўяди
Хитойнинг China Southern Airlines авиакомпанияси Урумчи ва Тошкентни тўғридан-тўғри рейслар билан боғлайди. Бу ҳақда Uzbekistan Airports хабар берди.
Маълум бўлишича, биринчи йўловчи рейси 14-октабрга белгиланган. Мунтазам рейслар Boeing 737 ва Boeing 787 самолётларида ҳафтасига бир марта жума кунлари амалга оширилади.
Маълумот учун, China Southern Airlines — Хитойнинг Гуандун вилояти, Гуанчжоу шаҳрида жойлашган авиакомпания. Бу самолётлар паркининг ҳажми бўйича Осиёдаги энг йирик авиакомпания, шунингдек, Осиёдаги энг йирик авиаташувчи ҳисобланади.
Эслатиб ўтамиз, аввалроқ Намангандан Дубайга тўғридан-тўғри авирейслар йўлга қўйилганди. Шунингдек, Ўзбекистон Саудия Арабистонининг FlyNas, БААнинг WizzAir ва Flydubai компанияларининг авиапарвозларни амалга оширишига рухсат берганди.
