Қозоғистон президенти россияликларнинг мамлакатга «оқиб келаётгани» ҳақида гапирди

Қосим-Жўмарт Тўқаев Қозоғистонга келаётган россияликлар ҳақида фикр билдирди. Мамлакат президентининг чиқиши давлат раҳбарининг расмий сайтида эълон қилинган.

Фото: Jas Alash

Тўқаев «Қўшнилар билан яхши муносабат — хотиржамлик гаровидир», қозоқ халқ мақолини эслатиб, энг муҳими қўшни давлатлар билан келишувни сақлаб қолишлик кераклигини айтган.

«Биз бундан ҳеч нарса йўқотмаймиз. Сўнгги кунларда Россиядан кўплаб одамлар келмоқда. Уларнинг аксарияти юзага келган иложсиз вазият сабаб ўз юртидан чиқиб кетишга мажбур бўляпти. Биз уларга ғамхўрлик қилишимиз ва хавфсизлигини таъминлашимиз керак. Бу сиёсий ва гуманитар масала», — дейди Қозоғистон президенти.

Қосим-Жўмарт Тўқаевнинг маълум қилишича, у ҳукуматга инсонийлик, сабр-тоқат ва ташкилотчилик бўйича зарур чораларни кўришни топширган.

«Бизда инқироз ҳам, ваҳима ҳам йўқ. Ҳукумат ўз ишини қилиши керак. Хориждан келганларга ёрдам кўрсатилади, аммо уларга ҳеч қандай устуворлик берилмайди. Барча ишлар қонунларимиз ва мажбуриятларимизга мос равишда амалга оширилиши керак. Россия томони билан музокаралар ўтказамиз ва ушбу муаммони мамлакатимиз манфаатлари йўлида ҳал этамиз», — дейди давлат раҳбари.

Қозоғистон президенти «ушбу қийин даврда, энг аввало, бирдамлик ва фаровонлик керак»лигини қайд этган.

Эслатиб ўтамиз, 21 сентябрь куни Россия президенти Владимир Путин мамлакатда қисман ҳарбий сафарбарлик эълон қилганди. Шундан сўнг мудофаа вазири Сергей Шойгу сафарбарликка кимлар жалб қилиниши ҳақида маълумот бериб, уларнинг сони 300 мингга етишини билдирди. Шу куни кечаси Россия бўйлаб сафарбарликка қарши ўтказилган акцияларда 1,4 мингдан ортиқ одам ушланган. Германия сафарбарликдан қочган россияликларга бошпана беришга тайёрлиги маълум қилган.

23 сентябрь куни Мудофаа вазирлиги IT соҳаси, алоқа операторлари, ОАВ ва банкларнинг ходимлари сафарбарликка жалб этилмаслигини маълум қилган. Алоқа ва рақамли ривожланиш вазирлиги эса ўз навбатида гап чақирувни кечиктириш ҳақида кетаётганини билдирган. Москвадаги бир нечта полиция идорасида сафарбарликка қарши норозилик намойишларида қўлга олинган фуқароларга «военкоматга» бориш бўйича чақирув қоғозлари берилмоқда.

Россия Президенти администрациясидаги манбага кўра қисман сафарбарлик эълон қилинганидан кейин мамлакатни 261 минг эркак тарк этган.

Шам кўтарган Зеленский, туннелни тўсиб қўйган намойишчилар, олов ичидаги шайтон — 9 декабрь суратлари
Мақолалар2:17 | 10.12.22
Шам кўтарган Зеленский, туннелни тўсиб қўйган намойишчилар, олов ичидаги шайтон — 9 декабрь суратлари
Путин янги йил олдидан Санкт-Петербургда МДҲ норасмий саммити ўтказилишини тасдиқлади 
Янгиликлар23:27 | 9.12.22
Путин янги йил олдидан Санкт-Петербургда МДҲ норасмий саммити ўтказилишини тасдиқлади 
ЖЧ-2022. Хорватия Бразилияни сенсацион тарзда енгиб, ярим финалга йўл олди
Спорт22:59 | 9.12.22
ЖЧ-2022. Хорватия Бразилияни сенсацион тарзда енгиб, ярим финалга йўл олди
Оқ уй Украинага янги ҳарбий ёрдам пакетини эълон қилди
Янгиликлар22:45 | 9.12.22
Оқ уй Украинага янги ҳарбий ёрдам пакетини эълон қилди
Президент Администрацияси раҳбари бошчилигида аҳолини энергия ресурслари билан таъминлашга бағишланган йиғилиш бошланди
Янгиликлар22:00 | 9.12.22
Президент Администрацияси раҳбари бошчилигида аҳолини энергия ресурслари билан таъминлашга бағишланган йиғилиш бошланди
Ўзбекистоннинг ЕОИИ давлатлари билан товар айирбошлаш ҳажми 2022 йилда 40 фоизга ўсди
Янгиликлар21:31 | 9.12.22
Ўзбекистоннинг ЕОИИ давлатлари билан товар айирбошлаш ҳажми 2022 йилда 40 фоизга ўсди