АҚШ ҳамда унинг иттифоқчилари Украина ҳудудига ядровий зарба бериш эҳтимоли борлиги боис Россиянинг тайёргарлик даражасини кузатишни кучайтирди, деб хабар беради Politico.

Қайд этилишича, мамлакатлар Россиянинг ердаги бўлинмаларини таҳлил қилиш учун тижорий сунъий йўлдошлардан фойдаланмоқда. АҚШ разведка самолётлари Россиянинг икки хил мақсадли қурол тизимлари ва гипертовушли ракеталари жойлашган Калининград вилоятини кўздан кечирган.

Россия қўшинлари Украинага бостириб борганидан кейин Владимир Путин ва ҳукумат вакилларидан бири Россия ядровий қуролдан фойдаланиши мумкинлиги ҳақида бир неча бор шама қилганди.

«Биз буни диққат билан кузатяпмиз», — дейди Россия ядровий кучлари ҳақидаги разведка маълумотларига эга бўлган АҚШ ҳукумати амалдори. Кузатув ҳавода, космосда ва кибермаконда амалга оширилмоқда.

Аввалроқ ядро урушидан омон қолиши мумкин бўлган давлатлар айтилганди. Шунингдек, АҚШ қандай ҳолатда ядро қуролидан фойдаланиши маълум қилинган. Россия президентининг матбуот котиби Дмитрий Песков Украинага нисбатан ядровий қурол қўлланилиши мумкинлигига оид саволларга жавоб қайтарар экан, «Доктринани ўқинглар. У ерга ҳаммаси ёзилган» деган.

АҚШ давлат котиби Энтони Блинкен SBC телеканали Вашингтон Россия ядровий қуролдан фойдаланиши эҳтимоли юзасидан режа ишлаб чиққанини айтган эди.