АҚШнинг Флорида штати қирғоқларига ёпирилган «Иэн» тўфони ёпирилгани тўғрисида хабар берилганди. BBC’нинг ёзишича, ҳозирда бутун штат бўйлаб қидирув-қутқарув ишлари амалга оширилмоқда.

Маълумотларга кўра, табиий офат оқибатида штатда камида 10 киши ҳалок бўлган, расмийлар қурбонлар сони бундан сезиларли даражада кўп бўлишини айтмоқда.

АҚШ президенти Жо Байден, Флоридага ёпирилган тўфон штат тарихидаги энг ҳалокатли табиий офат бўлиши мумкинлигидан огоҳлантирган.

Қайд этилишича, Флоридадаги 2,2 миллион аҳоли ва корхоналар электр таъминотисиз қолган. Сув оқими шунчалик кучли бўлганидан айрим одамлар ўз уйида тузоқда қолиб кетган, Миллий гвардия Орландо шаҳрида уйма-уй юриб, қутқарув ишларини амалга оширмоқда.

Ҳозирга қадар тасдиқланган ўлим ҳолатларининг барчаси Шарлотт округининг жануби-ғарбий қисмида қайд этилган.

Штат губернатори Ро ДеСантис 29 сентябрь куни ўтказилган матбуот анжуманида Форт-Меерс порт шаҳрига «мисли кўримлаган» зарар етказилганини айтган. «Эстеро кўрфазининг ўртасида турган уйни кўриб, шамол ва тўфон кучи қандай бўлганини тушуниш мумкин», — дейди у.

«Иэн» тўфони Кубага ҳам ёпирилган бўлиб, бутун мамлакатда электр таъминотининг ўчишига сабабчи бўлган. Айни вақтда Пуэрто-Рикода тўфон оқибатларини бартараф этиш бўйича кенг кўламли ишлар амалга оширилмоқда.

Эслатиб ўтамиз, 2021 йилнинг августида АҚШнинг Луизиана штатига тарихдаги энг кучли тўфонлардан бири бўлган «Айда» тўфони ёпирилирган ва оқибатда миллиондан ортиқ одам электрсиз қолганди. Сентябрь ойида эса Хитойнинг шарқий соҳилларига кучли «Чанту» тўфони ёпирилганди.