Ўзбекистонда аудиторларнинг иш сифатини текшириш тартиби белгиланди

Ўзбекистонда аудиторларнинг иш сифатини текшириш тартиби белгиланди. Бу ҳақда «Norma.uz» хабар берди.

Қайд этилишича, 28 сентябрь куни Вазирлар Маҳкамасининг «Аудиторлик ташкилотининг иши сифатини ташқи назоратдан ўтказиш тартиби тўғрисидаги низомни тасдиқлаш ҳақида»ги қарори имзоланган.

Низомга мувофиқ:

  • ташқи назорат молия вазирининг буйруғи асосида Молия вазирлиги томонидн 10 кундан кўп бўлмаган муддатда ўтказилади;
  • ташқи назоратни амалга оширишда аудиторларнинг республика жамоат бирлашмалари вакиллари жалб қилинади;
  • ташқи назорат охирги икки молиявий ҳисобот даврида мажбурий аудиторлик текширувини ўтказган аудиторлик ташкилотларига нисбатан ўтказилади;
  • тижорат банкларини мажбурий аудиторлик текширувдан ўтказган аудиторлик ташкилотлари Марказий банк билан биргаликда ташқи назоратдан ўтказилади;
  • ташқи назорат объекти аудиторлик ташкилотининг аудиторлик хизмати кўрсатишдаги фаолияти ҳисобланади, шу билан бирга ташкилотнинг молиявий-хўжалик фаолиятига аралашишга йўл қўйилмайди;
  • аудиторлик ташкилоти томонидан керакли маълумотларни тақдим этмаслик уни аудиторлик ташкилотлари реестридан чиқаришга асос бўлади;

Маълумот учун: аудиторлик ташкилоти аудиторлик ташкилотларининг реестридан чиқарилган тақдирда, аудиторлик фаолиятини амалга оширишга ва фирма номида «аудиторлик ташкилоти» деган сўз бирикмасидан фойдаланишга йўл қўйилмайди.

  • ташқи назорат ўтказилганда текширувчилар «текширишларни рўйхатга олиш» китобини тўлдиришлари лозим;
  • текшириш натижаси бўйича аудиторлик ташкилотига 30 кун муддат ичида камчиликларни тўғирлаш ҳақида хабарнома берилади;
  • аудиторлик фаолиятидан бошқа фаолият билан шуғулланганлик, аудиторлик текширувида ўрнатилган чекловларга риоя этмаганлик ва сохта аудиторлик хулосалари тақдим этилганлиги аниқланганда Молия вазирлиги судга мурожаат этишга ҳақли;
  • ташқи назорат натижалари ва кўрилган чоралар Молия вазирлиги сайтида эълон қилинади.

Шунингдек, ҳужжат Қонун ҳужжатлари маълумотлари миллий базасида эълон қилинган ва 29 сентябрдан кучга киргани маълум қилинган.

Аввалроқ Ўзбекистонда 1 октябрдан қонунчиликда нималар ўзгаргани маьлум қилинганди. Шунингдек, Ўзбекистонда Божхона қиймати декларациясини тўлдириш йўриқномасига ўзгартириш киритилгани ҳақида хабар берилганди.

Ўзбекистонда коронавирус билан кунлик касалланганлар сони 160 кишидан ошди
Янгиликлар10:14 | 4.12.22
Ўзбекистонда коронавирус билан кунлик касалланганлар сони 160 кишидан ошди
Тошкентда хусусий боғча ёнди
Янгиликлар9:13 | 4.12.22
Тошкентда хусусий боғча ёнди
Ўзбекистон 2022 йилда рекорд даражада кўп тарвуз экспорт қилди
Янгиликлар8:14 | 4.12.22
Ўзбекистон 2022 йилда рекорд даражада кўп тарвуз экспорт қилди
Ўзбекистонда 4 декабрь куни айрим ҳудудларда қор ёғади
Янгиликлар7:31 | 4.12.22
Ўзбекистонда 4 декабрь куни айрим ҳудудларда қор ёғади
Беларусь Ўзбекистон учун гўшт нархини оширди
Янгиликлар23:37 | 3.12.22
Беларусь Ўзбекистон учун гўшт нархини оширди
Қамчиқ довонида ҳаво ҳарорати транспорт ҳаракати учун ёмонлашиши маълум қилинди
Янгиликлар22:52 | 3.12.22
Қамчиқ довонида ҳаво ҳарорати транспорт ҳаракати учун ёмонлашиши маълум қилинди