Россия президенти Владимир Путин Украина чегараларида ядро қуролидан фойдаланиб, оммавий қирғин қуролини қўллашга тайёрлигини намойиш қилмоқчи. Бу ҳақда ўзининг ҳарбий манбаларига таяниб, Британиянинг The Times газетаси хабар берди.

«Россия жанг майдонида ўз ўрнини йўқотиб қўяётган бир пайтда Кремль кескин эскалацияга тайёрлигини билдиряпти. Путиннинг аввалроқ бундай тактикани қўллаши мумкинлиги ҳақидаги хавотирлар бугун Украинага яширин ядровий поезд кетаётгани ҳақидаги иддаолар билан кучайди», — деб ёзади газета.

Маълум қилинишича, Россиянинг марказий қисмларида ҳарбий таҳлилчиларнинг маълумотларига кўра, ядро қуроллари, уларни сақлаш, техник хизмат кўрсатиш, ташиш ва бўлинмаларга бериш билан шуғулланувчи Мудофаа вазирлигининг 12-бош бошқармасига алоқадор поезд пайқалган.

Халқаро таҳлилчиларнинг тахминича, Москва катта эҳтимол билан Қора денгизда ядровий қуролдан фойдаланади. Бундай қуролларни жанг майдонида қўллаш катта хавф туғдиради – хатолик юз берса, Россиянинг Украина билан чегарадош шаҳарлари зарар кўриши мумкин.

«Манбаларнинг таъкидлашича, НАТО ўз аъзолари ва иттифоқчиларига Россия ўзининг ядровий қуролга эга ‘Посейдон’ дрон-тоипедосини ўзи назорат қилаётган Қора денгизда синовдан ўтказиши кутилаётгани ҳақида разведга ҳисоботини юборган», дейилади хабарда.

Аввалроқ ядро урушидан омон қолиши мумкин бўлган давлатлар айтилганди. Шунингдек, АҚШ қандай ҳолатда ядро қуролидан фойдаланиши маълум қилинган. Россия президентининг матбуот котиби Дмитрий Песков Украинага нисбатан ядровий қурол қўлланилиши мумкинлигига оид саволларга жавоб қайтарар экан, «Доктринани ўқинглар. У ерга ҳаммаси ёзилган» деган.

АҚШ давлат котиби Энтони Блинкен SBC телеканали Вашингтон Россия ядровий қуролдан фойдаланиши эҳтимоли юзасидан режа ишлаб чиққанини айтган эди.