Ўзбекистонда фарзанд асраб олмоқчи бўлган фуқаролар учун янги ёш мезонини жорий этиш таклиф этилди. Бу бўйича қонун лойиҳаси Оила ва хотин-қизлар давлат қўмитаси томонидан Норматив-ҳуқуқий ҳужжатлар лойиҳалари муҳокамаси порталига жойлаштирилди.

Таклиф этилаётган ўзгартиришга кўра, фарзанд асраб олиш учун фуқаролар турмуш қурганига камида икки йил бўлган ва никоҳда яшаган бўлиши керак ҳамда улар 25 ёшга тўлиши керак.

Шунингдек, бу билан асраб олинган болалар ҳимоясини кучайтириш кўзда тутилган. Мазкур қонун лойиҳаси халқаро тажрибаларга таянган ҳолда Америка Қўшма Штатлари, Хитой, Германия ва бошқа бир қатор давлар фаолиятини кузатиш орқали ишлаб чиқилган.

Эслатиб ўтамиз, аввалроқ Фарғонадаги оилаларнинг бири 6 нафар чин етим болани фарзандликка олгани ҳақида хабар берилганди. Шунингдек, Сенат раиси Ўзбекистонда бола асраб олишдаги муаммолар ҳақида гапирган.