Украинанинг аннексия қилинган Херсон вилоятида автобус ўққа тутилди — видео
Россия томонидан аннексия қилинган Украинанинг Херсон вилоятида автобусга ракета орқали зарба берилди, деб ёзади «РИА Новости».
Нашр маълумотларига кўра, Украина қўсинлари томонидан учирилган HIMARS ракетаси фуқаролик автобусига келиб теккан. Фавқулодда ҳолатлат хизматиганинг айтишича, 4 киши ҳалок бўлган, яна 3 киши жароҳатланган. Бироқ сўнгги маълумотларда қайд этилишича, ҳалок бўлганлар сони беш кишига етган.
Аввалроқ Россия ҳарбийлари 30 сентябрь тонгида Запорожье шаҳрида чиқаётган гуманитар колоннага ракета зарбаларини амалга оширгани тўғрисида хабар берилганди. Россия томонидан Запорожье вилоятининг эгаллаб олинган қисми маъмурияти вакили Владимир Рогов ҳам ичида тинч аҳоли бўлган машиналар колоннаси ўққа тутилганини айтган. У ҳужумда Украина қўшинларини айблаганди. Кейинроқ Запорожьеда ичида тинч аҳоли бўлган автоколоннанинг ўққа тутилиши оқибатида ҳалок бўлганлар сони 30 кишига етгани маълум қилинганди.
Эслатиб ўтамиз, сентябрь охирларида АҚШ Украинага 1,1 миллиард долларлик янги ҳарбий ёрдам пакетини тайёрлаётгани, пакетдан янги HIMARS реактив залп ўт очиш тизимлари ва улар учун мўлжалланган ўқ-ўрин олиши айтилганди.
