Асакадаги мактабда дарслар стол-стуллари йўқ синфхонада ўтилаётганига муносабат билдирилди

Андижон вилояти Асака тумани халқ таълими бўлими тумандаги 29-сонли умумтаълим мактабида ўқувчиларга стол-стуллари йўқ хонада дарс ўтилаётгани айтилган хабарлар юзасидан маълумот берди.

Фото: Асака тумани халқ таълими

Ижтимоий тармоқларда Асака туманида мактаблардан бирида ўқувчилар учун синф жиҳозлари мавжуд эмаслиги акс этган видео тарқалди. Видеолавҳада жиҳозланмаган синфхонасида дарс ўтилаётгани тасвирланган.

Қайд этилишича, Асака туманидаги 28-сонли умумтаълим мактаби «Обод қишлоқ» давлат дастурининг капитал реконструкция режасига киритилган. Дастур асосида мактабнинг мавжуд 460 ўринли биносини мукаммал таъмирлаш ҳамда қўшимча 110 ўринли ўқув бино қуриш ишлари олиб борилмоқда.

Бугунги кунда 28-сонли умумтаълим мактабида қурилиш-таъмирлаш ишлари олиб борилаётгани сабабли, мактабнинг ўқувчилари яқин атрофдаги ижтимоий соҳа объектларига кўчирилган. Жумладан, мактабнинг 428 нафар юқори синф (5-11-синф) ўқувчилари ҳокимлик томонидан 3,5 километр оралиқ масофада жойлашган тумандаги 29-сонли умумтаълим мактабига кўчирилиб, ўқувчиларни дарс машғулотларига қатнашлари учун қулайлик яратиш мақсадида автобус транспорти билан таъминланган.

«29-сонли умумтаълим мактабининг ҳозирги кунда фойдаланилмасдан бўш турган 3-қаватидаги барча 19 та хоналарда 28-сонли умумтаълим мактабининг ўқитувчи ва ўқувчиларига дарс машғулотлари ўтишлари учун етарли даражада шароитлар яратилиб, зарур ўқув жиҳозлари тўлиқ таъминланган», дейилади муносабатда.

Ижтимоий тармоқларда тарқалган ҳолатда 28-умумтаълим мактаби ўқувчилари дарс машғулотларини якунлагандан сўнг ўқувчиларга тўгарак машғулотлари ўтилаётган вақтда ушбу хонада парталар алмашинувини амалга ошириш жараёнида видеотасвирга олинган ва шу боис хонада жиҳозлар йўқдек кўриниш ҳосил бўлган.

Фото: Асака тумани халқ таълими

«Ушбу таълим муассасасида парта ва стол-стуллар билан тўлиқ таъминланганлиги ва эҳтиёж йўқ эканлиги, барча синфхоналарда ўқув жараёнлари учун керакли шарт-шароитлар яратилганини маълум қиламиз», дея таъкидланади муносабатда.

Маълум қилинишича, туманнинг «Арғин» МФЙ ҳудудида жойлашган 29-сонли умумтаълим мактаби 2019 йилда тумандаги фаолияти тугатилган Асака озиқ-овқат касб-ҳунар коллежи биносига кўчирилган. 29-сонли умумтаълим мактаб биноси (собиқ коллеж) 2008 йилда қурилган бўлиб, 680 ўринга мўлжалланган.

Аввалроқ Тошкентдаги мактабда ички ишлар ходими қўлида қайчи билан ўқувчилар сочини текширгани, Тошкентда мактаб ўқувчиларига қизил галстук тақдирилгани, Наманганда ўқитувчи 1-синф ўқувчиларини бажармаган уй вазифаси учун изза қилдиргани тўғрисида хабар берилганди.

Қорақалпоғистонда «Қизил китоб»га киритилган кийиклар отиб кетилди
Янгиликлар12:05 | 28.1.23
Қорақалпоғистонда «Қизил китоб»га киритилган кийиклар отиб кетилди
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Янгиликлар11:43 | 28.1.23
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Янгиликлар11:21 | 28.1.23
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Янгиликлар18:42 | 27.1.23
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди