АҚШ савдо вазири ўринбосари ҳафта охирида Ўзбекистонга келади

АҚШ савдо вазирининг ўринбосари Мариса Лаго 16 октябрь куни Тошкентга келади. Бу ҳақда «Дунё» агентлиги хабар берди.

Фото: «Dunyo» агентлиги

Ўзбекистон элчиси Жавлон Ваҳобов билан бўлиб ўтган учрашув чоғида Америка делегациясига бошчилик қиладиган Мариса Лаго шу ҳақда маълум қилган.

Музокаралар чоғида бўлажак ташриф кун тартиби ва ўзаро манфаатли шерикликни кенгайтириш истиқболлари атрофлича муҳокама қилинган. АҚШ Савдо вазирлиги вакили ўзаро савдо ва сармоявий алоқаларни кенгайтиришга қаратилган қўшма дастур ҳамда ташаббусларни илгари суришда ёрдам беришга тайёр эканлигини билдирган.

Таъкидланишича, АҚШ ҳукумати Ўзбекистоннинг ишбилармонлик муҳити ва республиканинг сармоявий жозибадорлигини сифат жиҳатдан яхшилаш борасидаги муваффақиятларини диққат билан кузатиб бормоқда. Савдо вазирлиги бундан кейин ҳам Ўзбекистон томони билан яқин ҳамкорлик қилади ва мамлакатимиздаги ўзгаришларни ҳар томонлама қўллаб-қувватлашда давом этади.

Америка делегациясининг Ўзбекистонда бўлиши давомида бир қатор вазирлик ва идораларда учрашув ва музокаралар, Америка ва маҳаллий компанияларнинг ишлаб чиқариш қувватлари билан танишувлар, Америка Савдо палатаси — AmCham Uzbekistan аъзолари билан алоҳида брифинг ўтказиш режалаштирилган. Бундан ташқари, АҚШ Савдо вазирлигининг қисқа муддатли бизнес амалиёти махсус дастури (SABIT) битирувчилари ва Ўзбекистон Ишбилармон аёллар ассоциацияси вакиллари билан учрашувлар ўтказилиши назарда тутилмоқда.

«Вазир ўринбосари бошчилигидаги Савдо департаменти делегацияси пандемия тугаганидан бери Ўзбекистонга биринчи марта ташриф буюрмоқда. Мариса Лаго АҚШ савдо идорасининг Президент Жо Байден маъмуриятидаги бундай юқори даражадаги биринчи вакили сифатида мамлакатимизга келади», дейилади хабарда.

Маълумот учун, 2018 йил октябрь ойида АҚШ савдо вазири Уилбур Росс Тошкентга ташриф буюрган эди. Уилбур Росс билан эришилган келишувларга мувофиқ, 2019 йил июнь ойида АҚШ Савдо вазирлигининг сертификатланган Савдо миссияси Ўзбекистондаги бизнес ва сармоявий муҳит билан яқиндан танишиш мақсадида Американинг 13 та йирик компаниялари билан Тошкентга келганди.

Аввалроқ АҚШ давлат котибининг жамоатчилик билан алоқалар бўйича ёрдамчиси вазифасини бажарувчи Элизабет Кеннеди Трюдо Ўзбекистонга келгани тўғрисида хабар берилганди. Ташриф давомида у Ўзбекистон Президенти администрацияси раҳбари ўринбосари Комил Алламжонов билан учрашган эди.

Малайзияда ўзбек ресторанлари ва бошқа овқатланиш шохобчалари очилади
Янгиликлар21:12 | 5.2.23
Малайзияда ўзбек ресторанлари ва бошқа овқатланиш шохобчалари очилади
Ўзбекистон ТИВда Исроил элчиси билан учрашув бўлиб ўтди
Янгиликлар20:43 | 5.2.23
Ўзбекистон ТИВда Исроил элчиси билан учрашув бўлиб ўтди
Намангандан Қорахонийлар даврига оид деворий суратлар, тангалар ва Дамашқ қиличлари топилди
Янгиликлар20:18 | 5.2.23
Намангандан Қорахонийлар даврига оид деворий суратлар, тангалар ва Дамашқ қиличлари топилди
Хитой Ўзбекистонда «яшил» энергия ишлаб чиқаришда иштирок этади
Янгиликлар19:48 | 5.2.23
Хитой Ўзбекистонда «яшил» энергия ишлаб чиқаришда иштирок этади
Сирдарёда ноқонуний тарзда ёввойи тўнғиз овланди
Янгиликлар19:17 | 5.2.23
Сирдарёда ноқонуний тарзда ёввойи тўнғиз овланди
Ўзбекистонда ҳафта ўртасига бориб ҳарорат 20 даражагача исийди
Янгиликлар18:44 | 5.2.23
Ўзбекистонда ҳафта ўртасига бориб ҳарорат 20 даражагача исийди

Муҳим хабарлар

Эксклюзив: телефонидан диний қўшиқ топилган 21 ёшли йигит қамоқда калтакланганми?

10:02 · 05.02.2023

Тошкент вилоятида қурилиш крани қулаши оқибатида машинист вафот этди — видео

20:51 · 04.02.2023

Киев Грузияни Саакашвилининг «устидан кулишни» тўхтатишга чақирди

20:31 · 04.02.2023

«Украина ҳарбийларига қурол етказиб бериш ва уларни тайёрлашда ‘вақт билан пойга’ кетмоқда» — NYT

19:57 · 04.02.2023

Ўзбекистонда 5 февраль куни ҳарорат 15 даражагача илийди

17:59 · 04.02.2023

«Болаларга жинсий зўравонлик қилганларга энг оғир жазо тури қўлланилиши керак» — Алия Юнусова

17:24 · 04.02.2023

Бухородаги ўқув марказида болаларга ноқонуний диний таълим бериб келигани аниқланди

15:25 · 04.02.2023

Bloomberg ўз платформалари орқали Ўзбекистоннинг бизнес ҳамда сайёҳлик салоҳиятини тарғиб қилмоқчи

14:17 · 04.02.2023

Туркманистон Ўзбекистонга бепул суюлтирилган газ етказиб беради

14:00 · 04.02.2023

Ўзбекистондаги айрим дорихоналарда Quramax’нинг тақиқланган дорилари ҳамон сотилаётгани аниқланди

13:09 · 04.02.2023