Шавкат Мирзиёев раислигида 11 октябрь куни бўлиб ўтган маҳаллаларда тизимли муаммоларни ҳал қилиш бўйича видеоселектор йиғилишида вилоят ҳокимларига куз мавсумида кам таъминланган 500 минг хонадонга 10 тупдан мевали дарахт кўчатлари бепул тарқатиш бўйича топшириқ берилди. Бу ҳақда Президент матбуот хизмати хабар берди.

Қайд этилишича, «Яшил макон» давлат дастури доирасида 2022 йил якунига қадар 75 миллион дона ва 2023 йил баҳор ойларида яна 125 миллион дона мевали ва манзарали кўчат экиш вазифаси қўйилган.

Шунингдек, 2021 йилги тажрибадан келиб чиқиб, 20 октябрдан 1 декабргача кўчат экиш бўйича долзарб 40 кунлик эълон қилиниши, аҳоли хонадонларида ва дала четларида кўпроқ мевали дарахтлар ва сабзавот экишни фаол тарғиб қилиши кераклиги таъкидланган.

«Дарахт ҳавас билан экилиши, халқимиз, маҳаллаларимизнинг маданиятига айланиши лозим», — деган Президент.

Вилоят ҳокимларига куз мавсумида кам таъминланган 500 минг хонадонга 10 тупдан мевали дарахтлар кўчатини бепул тарқатиш вазифаси юклатилган.

• Мавзуга доир:
  
• Ўзбекистонда «Маҳалла бюджети» тизими жорий этилади
• Ўзбекистонда «Ташаббусли бюджет» лойиҳасида ғолиб маҳаллаларга 1 трлн сўм ажратилди
• Ўзбекистонда «Ташаббусли бюджет» лойиҳалари учун маблағлар 8 трлн сўмга етказилади
• Ўзбекистонда 2022 йили маҳаллаларни обод қилиш учун қарийб 29 трлн сўм ажратилди
• «Ҳеч бир фуқаро ўзининг муаммолари билан ёлғиз қолмаслиги керак» — Президент